_99.jpg)
Xəbər lenti
Muzeylər günü münasibətilə silsilə tədbirlər keçirilib - FOTOLAR
Manevr.az xəbər verir ki, Sumqayıt Regional Mədəniyyət və Turizm idarəsinin tabe müəssisələrində Muzeylər günü münasibətilə silsilə tədbirlər keçirilib.
Sumqayıtın Tarixi Muzeyində Uşaq və Yeniyetmələrin Yaradıcılıq Mərkəzi birgə əməkdaşlıq çərçivəsində mərkəzdə fəaliyyət göstərən “Təsviri incəsənət” dərnəyi üzvlərinin əl işlərindən ibarət sərgisi təşkil olunub. “Sumqayıtın Tarixi Muzeyi məktəblilərin gözü ilə” sərlövhəsi altında ziyarətçilərə təqdim olunan sərgidə gənc rəssamların muzeylə tanışlığı nəticəsində diqqət çəkən məqamlar öz əksini tapıb, onların şəxsi maraqları sərgidə yer alan rəngkarlıq nümunələrində tam mənası ilə açılıb.
Abşeron rayon Tarix-Diyarşünaslıq muzeyində Xırdalan şəhər orta məktəbin şagirdləri, mədəniyyət müəssisələrinin kollektivləri, tələbələr, abşeronlu şairlər, və digər qonaqların iştirakı ilə düzənlənən tədbirdə Sumqayıt Regional Mədəniyyət və Turizm İdarəsinin Abşeron rayon üzrə nümayəndəsi İlham Manafov, Tarix-Diyarşünaslıq Muzeyinin direktoru Cəmilə Kərimova və başqaları çıxış ediblər. Şairlər Nurəddin Mirzəxanlı, Məlahət Yusifqızı, Xaliq Laçınlı, Səmayə Güləliqızının ifalarında vətənpərvər ruhlu şeirləri dinlənilib, muzey eksponatları haqqında məlumat verilib.
Qubadlı rayon Tarix-diyarşünaslıq muzeyində keçirilən tədbirdə Qubadlı rayon İcra Hakimiyyətinin İctimai Siyasi və Humanitar məsələlər üzrə şöbəsinin baş məsləhətçisi Cavidan Mirzəyev, Sumqayıt şəhər Regional Mədəniyyət və Turizm İdarəsinin məsləhətçiləri Eldar Hüseynov və Bayram Cəfərli, Qubadlı rayon Mədəniyyət müəssisələrinin əməkdaşları və digər qonaqlar iştirak ediblər. Tədbirdə muzeyin tarixi ilə bağlı məruzə dinlənilib, video-çarx nümayiş olunub.
Daha sonra qonaqlar çıxış edərək muzey əməkdaşlarını təbrik edib, xoş arzularını çatdırıblar. Sonda qonaqlara Beynəlxalq Muzeylər Günü ilə bağlı təşkil olunmuş sərgidə nümayiş olunan eksponatlar haqqında ətraflı məlumat verilib.
Zəngilan rayon Tarix-diyarşünaslıq muzeyində də sərgi təşkil olunub. Sərgidə Sumqayıt Regional Mədəniyyət və Turizm idarəsinin Zəngilan rayon üzrə nümayəndəsi Mehman Nəsirli və mədəni-maarif müəssisələrinin kollektivləri, rayon ictimaiyyəti istirak edib. Ziyarətçilərə rayonun tarixi və nümayiş olunan eksponatlar haqqında ətraflı məlumat verilib.
Sumqayıt Regional Mədəniyyət və Turizm idarəsinin
Mətbuat xidməti
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar