.png)
Xəbər lenti
Ramiz Məlik: “Məni narahat etməyə ehtiyac yoxdur”
Xalq artisti Ramiz Məlikin səhhəti yaxşılaşır.
Manevr.az xəbər verir ki, bu barədə oxu.az-a tanınmış aktyorun özü məlumat verib.
“Səhhətim yavaş-yavaş yaxşılaşır. Hazırda yaxşıyam. Hər şey qaydasındadır. Müalicələrimi də davam etdirirəm. Məni narahat etməyə ehtiyac yoxdur”.
Qeyd edək ki, bu günlərdə Əməkdar artist, Akademik Milli Dram Teatrının aktyoru Aslan Şirin onkoloji xəstəlikdən əziyyət çəkən Xalq artisti Ramiz Məliklə fotosunu paylaşmışdı. R.Məlikin xeyli çəki itirməsi diqqətləri cəlb edib.
Xatırladaq ki, 79 yaşlı Xalq artisti uzun illər Akademik Milli Dram Teatrında fəaliyyət göstərib.
Ramiz Məlik 1984-cü ildə Azərbaycan SSR Dövlət mükafatına layiq görülüb. 1982-ci ildə “Azərbaycan SSR Əməkdar artisti”, 1998-ci ildə isə “Azərbaycan Respublikasının Xalq artisti” fəxri adları ilə təltif olunub. Azərbaycan Teatr Xadimləri İttifaqının təsis etdiyi “Sənətkar” medalına, 2010-cu ildə isə Cəfər Cabbarlı mükafatına layiq görülüb.
Azərbaycanda teatr sənətinin inkişafındakı xidmətlərinə görə 2019-cu ildə “Şöhrət” ordeni ilə təltif olunub. Prezident təqaüdçüsüdür. 2023-cü ildə Azərbaycanda teatr sənətinin inkişafında uzunmüddətli səmərəli fəaliyyətinə görə “Azərbaycan Respublikası Prezidentinin fəxri diplomu” ilə təltif edilib.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar