Xəbər lenti
Şair-jurnalist Nisə Heydərli doğum günündə anıldı - ŞƏKİLLƏR
Azərbaycan Jurnalistlər Birliyi Sumqayıt şəhər təşkilatının və “Möhtəşəm Azərbaycan” qəzetinin ofisində Azərbaycan Yazıçılar Birliyinin və Azərbaycan Jurnalistlər Birliyinin üzvü, uzun müddət “Möhtəşəm Azərbaycan” qəzetinin redaktoru kimi fəaliyyət göstərmiş, dünyasını vaxtsız dəyişmiş istedadlı jurnalist, tanınmış şairə Nisə xanım Heydərlinin (Qədirova) anım mərasimi keçirilmişdir. Gecəni giriş sözü ilə Azərbaycan Jurnalistlər Birliyi Sumqayıt şəhər təşkilatının sədri, Respublikanın Əməkdar jurnalisti Rafiq Oday açmış, Nisə xanımın xatirəsi bir dəqiqəlik sükutla yad edilmiş, ruhuna dualar oxunmuşdur. R.Oday Nisə xanımın əsərlərindən, çap olunmuş kitablarından ibarət sərgi ilə tədbir iştitakçılarını tanış etmiş, onun çoxşaxəli yaradıcılığı haqqında geniş məlumat vermişdir.
Xatirə gecəsində "Manevr.az" Media Qrupunun rəhbəri, Azərbaycan Jurnalistlər Birliyi Kəlbəcər bölməsinin sədri Namiq Dəlidağlı, Azərbaycan Jurnalistlər Birliyi Şərqi Zəngəzur Təşkilatının sədri Qafqaz Əvəzoğlu, "Çeşmə" Ədəbi Məclisinin sədri Lilpar Çəmşidqızı, "Dəlidağ" Ədəbi Birliyinin sədr müavini, istedadlı şairə Sevinc Qərib, "Sumqayıt" qəzetinin məsul katibi İlhamə Məhəmmədqızı, "Günəşli sabah" qəzetinin təsisçisi və baş redaktoru, tanınmış jurnalist Aygün Hacıyeva, "Bahar" jurnalının baş redaktoru Ruhiyyə Bahar, "Möhtəşəm Azərbaycan" qəzetinin baş redaktor müavini, Nisə xanımla 10 ildən artıq bir redaksiyada çiyin-çiyinə çalışmış Mərcan Sabirqızı, tanınmış şairlər Asif Asiman, Süleyman Sərraf, dəyərli qələm sahibi Nizami Kolanılı, "Əyar" jurnalının baş redaktoru Mədaxil Cavadlı, "Manevr.az" saytının əməkdaşı Natiq İsmayıloğlu, şairə Sevinc Murad çıxış edərək Nisə xanım Qədirova haqqında xatirələrini bölüşmüşlər. 
Təəssüf hissi ilə qeyd olunmuşdur ki, əgər yaşasaydı, bu gün bu gözəl insanın, istedadlı şairənin, əzmkar və məhsuldar jurnalistin, geniş ürəkli, saf qəlbli, üzündən heç vasxt təbəssüm əskik olmayan dəyərli ziyalının xatirə gecəsi yox, 55 illik yubileyi qeyd olunacaqdı.
Tədbir boyu Nisə xanım Qədirovanın şeirləri bədii qiraət olunmuş, haqqında yazılmış şeirlər səsləndirilmişdir.
Qərara alınmışdır ki, qarşıdakı günlərdə şairənin Şabran rayonunun Qalacıq kəndindəki məzarına ziyarət təşkil olunsun.
Allah rəhmət eləsin. Ruhu şad, məkanı cənnət olsun!
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar