Xəbər lenti
"Neft və milyonlar səltənətində, siz də dövlətlisiz, biz də “dövlətli”" -Yusif HÜSEYN (Şeir)
Manevr.az yurd-yuvası yağı əlində yağmalanan, kəlbəcərli şair Yusif HÜSEYNİN bəzi nazirlərə və deputatlara ünvanladığı "Açıq təşəkkür məktubu"nu oxuculara təqdim edir:
SİZ DƏ TÖHMƏTLİSİZ, BİZ DƏ TÖHMƏTLİ...
Bu xalq yetim qaldı, yetim-sağırdı,
Yollara baxmaqdan gözlər yağırdı.
Qürbətin dərd yükü yaman ağırdı,
Siz də qürbətlisiz, biz də qürbətli..
Guya dədəlilər iş bilən oldu?!
Bəzisi dədəsin öldürən oldu..
Çoxu dədəsinə söydürən oldu..
Siz də töhmətlisiz, biz də töhmətli...
Bir parça çörəyi zülümlə tapdıq...
Görən elə bildi, dünyanı çapdıq..
Siz saray qurdunuz, biz koma yapdıq.
Siz də şöhrətlisiz, biz də şöhrətli..
Sərvətlər sizindi, yataqlar xalqın,
Saraylar sizindi, o dağlar xalqın.
Yaltaqlar sizindi, qınaqlar xalqın...
Siz də sərvətlisiz, biz də sərvətli...
Sən yüzü haqladın, mənsə yetmişi,
Zaman düzəldəcək haqsız gərdişi...
Xalqa gün ağladın, bəxtəvər kişi,
Siz də qeyrətlisiz, biz də qeyrətli?!.
İllərdi işləmir, Yusif çətində,
Dadını unutduq, yağın ətin də...
Neft və milyonlar səltənətində,
Siz də dövlətlisiz, biz də “dövlətli”.
Yusif HÜSEYN,
Xırdalan. 28 yanvar 2017 ci il.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar