Xəbər lenti
AYB üzvündən Anara: "Neçə gənc nəsilin ömrünü yaşadınız" -ŞƏKİL
AYB üzvü, Prezident təqaüdçüsü, şair Emil Rasimoğlu AYB sədri Anarın istefası ilə bağlı yazıb. O eyni zamanda açıqlamasında Yazıçılar Birliyində Anarın idarəçilik prinsipindən söz açaraq tənqidi fikirlərlə çıxış edib:
“Bu gün Azərbaycan Yazıçılar Birliyinin sədri hörmətli Anar müəllim öz postunu gənc, kifayət qədər potensiallı kadrların ixtiyarına buraxmaq istəmir, heç vaxt da istəməyib. Bunu nəyinki onun AYB-də keçdiyi idarəçilik yolu, hazırkı durum belə açıq-aşkar göstərir.
Amma görəsən, Anar Rzayev (digər şəxsləri demirəm hələ) atası Rəsul Rzanın 28 yaşında AYB sədri seçilməsini, özünün isə 31 yaşında "Qobustan" jurnalına baş redaktor təyin edilməsini unudubmu? Bu Rəsul Rzanın, Anarın timsalında o dövrün gəncliyinə göstərilən etimad deyildimi?
Bəs özünə qarşı göstərilən o etimadı görən hörmətli Anar müəllim gəlin görək özü o etimadları təkrarlaya bildimi? Əsla yox! Bu günə qədər -28 illik sədrlik dönəmində nə Yazıçılar Birliyindəki məsul postları (sədr müavini, katib, bölmə rəhbəri), nə də AYB-nin tabeçiliyində olan heç bir orqanın məsul postlarını (baş redaktor, baş redaktorun müavini, şöbə müdiri) 28, 29, 30 yaşlı istedadlı gənclərə həvalə etmədi. Bu o demək deyil ki, 28 illik dönəmdə ədəbi mühitdə o postları həvalə ediləcək gənc kadrlar yox idi. Əsla! Var idi, indi də var. Bu sadəcə Anar Rzayevin gənclər siyasətindən uzaq idarəçilik prinsipi idi.
Ancaq daha vaxtdır!..Zaman və şərait indi 81 yaşlı Anar Rzayevdən kadr islahatları aparmağı yox, öz postundan istefa verməyi tələb edir.
Yol gəncliyindir, Anar müəllim! AYB-yə neçə gənc nəsil gəlib getdi. Neçə gənc nəsilin ömrünü yaşadınız. Daha sabahların qarşısını kəsməyin...və inanın, inanın ki, tarixin amansız yaddaşı var!...
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar