Xəbər lenti
Araz Əlizadə onu qadın hesab edən müşahidəçidən danışdı
Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçisi Stefan Şennak dünən özünün "Twitter” bloqunda Azərbaycanda keçirilən növbədənəkənar prezident seçkisini müşahidə etdiyini yazıb. O, namizədlərdən birinin – Sosial Demokrat Partiyasından namizədliyini verən şəxsin qadın olduğunu qeyd edib.
Seçkidə iştirak edən 8 namizəddən biri, Azərbaycan Sosial Demokrat Partiyasından namizədliyini verən şəxs isə bu qurumun sədri, deputat Araz Əlizadədir.
Manevr.az xəbər verir ki, modern.az-ın əməkdaşı Sosial Demokrat Partiyasının sədri ilə əlaqə saxlayıb.
"Stefan Şennakın məni qadın kimi təqdim etməsinin səbəbini deyə bilmərəm. Onunla heç bir görüşümüz olmayıb. Bir-birimizi tanımırıq. Amma səlahiyyətli nümayəndəm Sevda Əliyeva ayın 9-da onlarla görüşmüşdü. Ümumiyyətlə, son günlər bir mövzu var. Araz Əlizadə qadındır, yoxsa kişi?!”, - deyə açıqlamasında prezidentliyə keçmiş namizəd, Milli Məclisin deputatı Araz Əlizadə AŞPA-nın Monitorinq Komitəsinin Azərbaycan üzrə həmməruzəçisi Stefan Şennakın onu qadın kimi təqdim etməsinə münasibət bildirərkən deyib.
Araz Əlizadə həmməruzəçinin onun adını Arzu kimi oxuması iddiasına da aydınlıq gətirib.
"Azərbaycanda Arzu adında qadın da, kişi də var. Düşünmürəm ki, o, Araz adını Arzu kimi oxusun. O, ümumiyyətlə, Arzu sözünün mənasını bilmir. Mənə elə gəlir ki, o, diqqətlə qulaq asmayıb və ona görə də belə yanlışlığa yol verib”.
Prezidentliyə keçmiş namizəd bir dəfə də digər bir halla rastlaşdığını bildirib:
"Keçən prezident seçkilərində (2013) Latın Amerikasından bir müşahidəçi vardı. Onların qarşısında çıxış edəndə baxdım ki, bu adam yatıb. Ola bilər ki, yorulub. Görüş başa çatandan sonra əl çalınanda bu yuxudan ayıldı və əlini qaldırdı. Üzünü mənə tutaraq "niyə gender məsələsinə toxunmadınız?” dedi. Cavab verdim ki, "gender məsələsindən danışanda siz yatmışdınız”. Belə hallara rast gəlmək mümkündür”.
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar