_99.jpg)
Xəbər lenti
Qənirə Paşayeva Sivasda Xalq Cümhuriyyəti ilə bağlı konfrans verib
Türkiyədə səfərdə olan millət vəkili Qənirə Paşayeva Türk Ocaqlarında Azərbaycan Xalq Cümhuriyyətinin 100-cü ildönümü ilə bağlı Sivasda konfrans verib. Manevr.az-ın məlumatına görə, bütün müsəlman dünyasında ilk cümhuriyyətin Azərbaycanda qurulmasından, Azərbaycanın qadınlara seçmək və seçilmək haqqını verən ilk dövlətlərdən biri olmasından danışan millət vəkili cümhuriyyət qurucuları, onların fədakarlıqlarından geniş danışıb.
Cümhuriyyətin həyata keçirdiyi böyük işlərdən, cümhuriyyət qurucuları böyük aydınlar barədə, onların Türkiyəyə böyük sevgilərindən danışan Q.Paşayeva bu böyük şəxsiyyətləri gənclərimizin daha yaxından tanıması və örnək alması üçün Türk Ocaqları kimi təşkilatları, QHT, KİV və aydınları fəal olmağa çağırıb.
O, bildirib ki, bu gün Türkiyədə bu cür konfransların keçirilməsi çox önəmlidir: “Bir türk xalqının, toplumunun problemi, bütün türk xalqlarının ortaq problemidir. Ona görə də türk dünyası ilə bağlı məsələlərdə bir-birimizə hər zaman böyük dəstək olmalıyıq”.
Sivasda Q.Paşayevanın Türkiyədə çapdan çıxmış “Turan yolçusu” və “Aşk yolçusu” kitablarının təqdimatı və imzalanma mərasimi olub. İmza mərasimində çoxlu sayda ziyalılar, gənclər, jurnalistlər iştirak ediblər. Tədbirdə iştirak edənlərə və media mənsublarına təşəkkür edən millət vəkili Qənirə Paşayeva özəlliklə gənclərin imza mərasiminə qatılmasından məmnun olduğunu deyib. Bu kitabların gənclərimiz arasında türk dünyasını daha yaxşı tanımağa öz töhfəsini verə biləcəyini deyən millət vəkili daha sonra kitablarını oxucular üçün imzalayıb, gənclərin müəllifi olduğu kitablarla bağlı suallarını cavablandırıb.
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar