.png)
Xəbər lenti
Azərbaycandan milyonlarla pulu kim çıxarıb? - AD AÇIQLANDI
Dövlət Təhlükəsizlik Xidmətinin (DTX) həyata keçirdiyi əməliyyat zamanı ələ keçən valyuta qaçaqçıları ilə bağlı "Yeni Müsavat" qəzeti ilginc məlumatlar yayıb.
Manevr.az-ın məlumatına görə, qəzet yazır ki, əməliyyat zamanı ələ keçən dəstəyə Aqil Kamandar oğlu Məmmədovun rəhbərlik etdiyi müəyyənləşib. Qazaxın II Şıxlı kənd sakini olan Aqil Məmmədovun rayonda tanınan və Rusiyada yaşayan diaspor lideri Şahin Şıxlinski ilə mütəmadi əlaqə saxladığı müəyyən olunub. Üzə çıxıb ki, Aqil Məmmədovla Şahin Şıxlinski "Sınıq körpü” sərhəd keçid məntəqəsindəki avtovağzala şərikdirlər. Belə iddialar da var ki, ölkə ərazisindən külli miqdarda valyuta çıxarılmasına Şahin Şıxlinskinin də aidiyyəti var. Hətta bəzi iddialara görə, bütün prosesə onun özü rəhbərlik edib.
Azərbaycanda və Rusiyada kifayət qədər tanınan Şahin Şıxlinski Avropa Azərbaycanlıları Konqresinin, Ümumrusiya Azərbaycan Konqresinin (ÜAK) vitse-prezidenti, ÜAK-ın Ural Dairə Şurasının sədri, Ümumdünya Azərbaycan və Türkiyə diaspor təşkilatlarının Koordinasiya Şurasının üzvü, Sverdlovsk vilayətinin Qubernatoru yanında Milli məsələlər üzrə Məsləhət Şurasının üzvüdür.
Azərbaycandan valyuta çıxardanların arxasındakı adam bilindi – Şahin Şıxlinski
Şahin Şıxlinski 1966-cı il fevralın 20-də Qazaxın II Şıxlı kəndində anadan olub.
Qeyd edək ki, DTX-nın yaydığı məlumatda bildirilirdi ki, Azərbaycan ərazisində valyuta dövriyyəsində manipulyasiya və valyuta qaçaqmalçılığı faktları ilə bağlı davam edən cinayət işi üzrə 15-18 yanvar 2018-ci il tarixlərində həyata keçirilmiş kompleks əməliyyat-istintaq tədbirləri nəticəsində "qara bazar” adlandırılan alternativ valyuta dövriyyəsi iştirakçılarından ibarət cinayətkar şəbəkə ifşa edilib. Şəbəkənin qanunsuz fəaliyyətlərinin qarşısı alınıb. Qeyd olunan şəxslər tərəfindən 2017-ci il ərzində Azərbaycan Respublikasının gömrük sərhədindən gömrük nəzarətindən gizli, bəyan edilmədən hissə-hissə ümumilikdə 80 milyon 731.282,0 ABŞ dolları, 5 milyard 270.227.972,0 Rusiya rublu, 248 min 915 Avro məbləğində xarici valyuta nağd formada qaçaq yolla ölkədən çıxarılıb. Cinayət Məcəlləsinin 206.3.1, 206.3.2, 192.2 və digər maddələri ilə istintaqı aparılan cinayət işi üzrə Azərbaycan Respublikasının vətəndaşları Məmmədov Aqil Kamandar oğlu, Mustafayev Mustafa Abuzər oğlu və Babayev Vüqar Ədalət oğlu, habelə Gürcüstan vətəndaşı İzmailov Mamed Həşim oğlu və qeyd olunan silsilə cinayət əməllərinin digər iştirakçıları saxlanılaraq cinayət məsuliyyətinə cəlb ediliblər. Hazırda istintaq-əməliyyat tədbirləri davam etdirilir.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar