Avstriya Maliyyə Nazirliyinin rəhbəri Maqnus Brunner sürət həddini aşdığı üçün dörd həftəlik sürücülük vəsiqəsindən məhrum edilib. Xarici medianın məlumatına görə, nazir avtomobili saatda 130 kilometrdən çox sürətlə idarə edib. Həmin yolda isə sürət həddi saatda 80 kilometrdir.
Qeyd olunur ki, nazirliyin rəhbəri şəxsi görüşə BMW 7 markalı xidməti avtomobillə gedirmiş. Yol polisi Brunneri Reyn Vadisi avtomobil yolundakı (A14) Dornbirn-Zyud qovşağında saxladıb.
