Stalini sandığa qoyub qolunu sındıran bakılı milyonçu - VİDEO

Manevr.az-ın məlumatına görə, Baku TV-də yayımlanan “Aydın tarix” verilişinin yeni buraxılışı efirə gedib.
Verilişin budəfəki sayında məşhur xeyriyyəçi və neft milyonçusu Murtuza Muxtarovdan bəhs olunub.
Öz millətinin tərəqqisi naminə heç bir şeyini əsirgəməyən Murtuza Muxtarov Bakının abadlaşmasına çar məmurlarından qat-qat artıq diqqət yetirən milyonçulardan biri idi.
Kasıb bir ailədə doğulan Murtuza Bakıdan Tiflisə kimi arabaçılıq edib ailəsini dolandırırdı. Murtuza Muxtarov elə bir şəxsiyyət olub ki, o istəsəydi, rus imperiyasının 4 böyük milyonçusundan biri ola bilərdi. Lakin M.Muxtarov xeyriyyəçi, eyni zamanda vətənsevər insan idi.
Verilişdə Murtuza Muxtarovun fəhləlikdən milyonçuluğa gedən yolundan, faciəli ailə həyatından, ikinci həyat yoldaşı Liza xanım üçün tikdirdiyi Səadət sarayından, eləcə də onun var-dövlətini ələ keçirməyə çalışan Stalin və dəstəsi ilə mübarizəsindən söhbət açılıb.