Xəbər lenti
Üçüncü dəfə ərə getmək istəyən bacısını öldürdü - MƏHKƏMƏ
Qətldə təqsirləndirilən Elşad Davudov cəzasının azaldılması üçün Ali Məhkəməyə şikayət edib.
Manevr.az-ın xəbərinə görə, o, Bakı Apellyasiya Məhkəməsinin qərarından kassasiya şikayəti verib.
Şikayətə Ali Məhkəmədə hakim Hafiz Nəsibovun sədrliyi ilə baxılacaq.
Qeyd edək ki, ötən il aprelin 17-də Nizami rayon ərazisində məskunlaşan məcburi köçkün Elşad Davudov bacısı Turanə Davudovanı (1982-ci il təv.) yaşadığı evdə bıçaqlayıb.
Daxil olan məlumat əsasında Nizami RPİ-nin əməkdaşları Naxçıvanski küçəsi, 2/55 ünvanında yerləşən mənzilə yollanıblar. Xəstəxanaya çatdırılan qadın orada kəskin qanitirmədən dünyasını dəyişib, Elşad Davudov həmin gün saxlanılıb və istintaqa təqdim edilib.
Araşdırma zamanı məlum olub ki, qətlə yetirilən 34 yaşlı Davudova Turanənin həyat yoldaşı Taleh Rəhmanov həmin il yanvarın 28-də həyətdə özünü asaraq, intihar edib.
Aydınlaşdırılıb ki, Rəhmanov mərc oyunlarına qurşanıb və “TopAz” oyunlarındakı hesablara görə kimlərəsə borcları yaranıb. Yoldaşının ölümündən sonra qadın üç övladı ilə birlikdə kirayədə yaşayıb.
İş üzrə dindirilən Elşad Davudov bildirib ki, bacısını namus üstündə qətlə yetirib. Onun sözlərinə görə, mərhum üçüncü dəfə ərə getməklə doğmalarının qəzəbinə səbəb olub, buna görə o, Turanəni cəzalandırmaq qərarına gəlib. Ayın 17-də evinə gələrək dava-dalaş salıb və bacısının döş qəfəsi nahiyəsinə sarsıdıcı zərbə endirib.
Bakı Ağır Cinayətlər Məhkəməsinin hökmü ilə E.Davudov doqquz il müddətinə azadlıqdan məhrum edilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Emil Rasimoğlu
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
Sorğu
Portalımızı dəyərləndirin.
Çox oxunanlar