_99.jpg)
Xəbər lenti
Rusiyada azərbaycanlılara qan udduran qara maskalılara hökm oxundu
Peterburqda adam oğurluğunda, soyğunçuluqda, qanunsuz silah saxlamaqda, hədə-qorxu ilə pul tələb etməkdə ittiham olunan mütəşəkkil dəstənin doqquz üzvü barəsində cinayət işi üzrə məhkəmə prosesi keçirilib.
Manevr.az virtualaz.org-a istinadən xəbər verir ki, təqsirləndirilən şəxslər azadlıqdan məhrum olmaqla yanaşı, onların mənzilləri, avtomobilləri, pulları da əllərindən alınacaq.
2012-2014-cü illər ərzində Peterburqda fəaliyyət göstərən cinayətkar dəstə iş adamlarını oğurlayaraq onların pullarını zorla əllərindən alıblar. Odlu silahlarla silahlanan banda üzvləri həmçinin inkassator maşınlara da hücumlar təşkil ediblər. Cinayətkarlar özlərini Federal Təhlükəsizlik Xidmətinin xüsusi təyinatlı dəstəsinin üzvləri kimi təqdim ediblər. Hətta idarə etdikləri avtomobilləri də İstintaq komitəsinin avtomobilləri kimi rəngləyiblər. Dəstə üzvləri arasında güc strukturlarının əməkdaşlarının da olması sonradan bəlli olub.
Dekabrın 18-də Sankt-Peterburq şəhər məhkəməsində banda üzvlərinə hökm oxunub. Hökmə əsasən, Andrey Karpov 7 il, Qeorqi Zuxin 8,5 il. Dmitri Qorşkov, Aleksandr Qlotov və Konstantin Zubov isə 9 il müddətinə azadlıqdan məhrum ediliblər. Pavel Qriqoryev və Anton Kulikov isə cəzalarını ciddi rejimli cəzaçəkmə müəssisəsində çəkməklə 11 il və 11 il 5 ay həbs cəzası alıblar. Məhkəmə banda başçıları – İqor Xludkov və Vitali Samsonov barəsində 13 il cəza təyin edib. Onların hər ikisi 300 min rubl civarında cərimə olunublar.
Məhkəmə vətəndaşların 1,2 milyon rubl və 2,5 milyon dollar mülki iddialarını təmin edib.
Cinayət işi 76 cilddən ibarətdir. İstintaq araşdırmaları zamanı 200-dən çox müxtəlif ekspertiza keçirilib. İş üzrə təxminən 50 şahid dindirilib.
Məşhur “Fontanka” nəşri əvvəlllər sözügedən cinayətkar dəstənin fəaliyyəti barədə yazıb. 2012-ci ilin noyabrında onlar basqın zamanı 10 milyon rubl ələ keçirməyə müvəffəq olublar. 2013-cü ilin sentyabrda isə banda üzvləri ilə “rastlaşan” Azərbaycan vətəndaşı 2,5 milyon dollarından olub.
Xatırladaq ki, 15 iyul 2014-cü ildə Dubay – Peterburq reysi ilə “Pulkovo” aeroportuna gələn iş adamı, 40 yaşlı azərbaycanlıya hücum edilib. İstintaq komitəsinin əməkdaşlarına məxsus uniforma geyinmiş dəstə üzvləri onun saxlanmasını səhnələşdiriblər. Basqın zamanı iş adamınnın 1 milyon 500 min dollar pulunu əlindən alıblar.
Bu hadisədən iki ay sonra, eyni yerdə, eyni məkanda dəstə üzvləri başqa bir azərbaycanlıya da eyni üsulla hücum çəkərək 3 milyon dollarını aparıblar. Bundan bir qədər əvvəl isə yenə də əslən Azərbaycandan olan iş adamının 2 milyon 500 min dolları dəstə üzvləri tərəfindən oğurlanıb.
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar