Xəbər lenti
Qətlə görə tutulan ata və oğulun məhkəməsində qalmaqal: vəkil mərhumun yaxınlarını təhqir etdi
İdmançının ölümünə səbəb olan şəxslər hakim qarşısına çıxarılıb. Onlar ata və oğuldur.
Manevr.az xəbər verir ki, Bakı Ağır Cinayətlər Məhkəməsində Əhəd İsmayılov və Ramil İsmayılovun cinayət işi üzrə məhkəmə iclası keçirilib. Hakim Zeynal Ağayevin sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.
Məhkəmə prosesi yarıda qalıb. Buna səbəb prosesdə qalmaqalın yaşanması olub. Prosesdə iştirak edən mərhumun yaxınları narazılıq ediblər. Onlar qətli törətməkdə təqsirləndirilən şəxslərə etiraz ediblər. "Adam öldürüblər, hələ özlərinə müdafiəçi də tutublar" - deyən zərərçəkmiş tərəfin nümayəndələrini vəkil təhqir edib.
Hər iki şəxsin müdafiəçisi olan İkram Abdullayev səs-küyü salan şəxsləri təhqir edib. Bundan sonra da məhkəmədə mübahisə başlayıb. Vəkilin üzərinə getmək istəyən şəxslərə icra məmurları müdaxilə edib. Proses noyabrın 27-nə təxirə salınıb.
Sumqayıt şəhərinin 21-ci məhəlləsində baş verib. Ərazidə bir qrup gənc arasında kütləvi dava olub.
Dava zamanı Sumqayıt şəhər sakini olan iki nəfər - 1992-ci il təvəllüdlü Həbibov Rasif Asif oğlu və 1988-ci il təvəllüdlü Dadaşov Samir Tahir oğlu bıçaqlanıblar. Yaralılar dərhal xəstəxanaya çatdırılıb.
Lakin bir neçə gün sonra Rasif Həbibov xəstəxanada dünyasını dəyişib. Hüquq-mühafizə orqanlarının əməkdaşları tərəfindən hadisəni törətməkdə şübhəli bilinən ata-oğul Ramil və Əhəd İsmayılovlar saxlanılıb.
Məlumatda qeyd edilir ki, hadisədə iştirak edən şəxslər qonşu olublar. Hadisə söyüş üstündə olub. Hər iki şəxsə Cinayət Məcəlləsinin 126.3-cü (qəsdən sağlamlığa ağır zərər vurma, zərərçəkənin ölümünə səbəb olduqda) maddəsi ilə ittiham verilib. Məlumata görə, Rasif Həbibov idmançı olub./musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar