Xəbər lenti
Şəkidə 12 il əvvəl törədilən qətlin yeni təfərrüatları: “Məni almasan...”
Azərbaycanda 12 il əvvəl qətl hadisəsi törətməkdə təqsirli bilinən Şəki şəhər sakini, 1982-ci il təvəllüdlü Ramil Salamovun kasasiya şikayətinə baxılıb.
Manevr.az xəbər verir ki, Ramil Salamov 2004-cü ilin yanvar ayında tanış olduğu Şəki şəhər sakini, 1984-cü il təvəllüdlü Xəyalə Mövsümova ilə həmin ilin oktyabr ayınadək Şəki şəhərində müxtəlif yerlərdə dəfələrlə görüşüb və yaxın münasibətləri olub.
Sonradan Xəyalə Ramildən onunla evlənməyi tələb edib. O, Ramilə evlənmək istəməsə, cinsi əlaqəyə girdiyi ilk kişi olması barədə hədə-qorxu gəlib, ondan polisə şikayət edəcəyini deyib.
Ramil Salamov aralarındakı münasibətlərə aydınlıq gətirmək üçün 10 oktyabr 2004-cü il tarixdə, saat 15 radələrində Xəyalə Mövsümova ilə Şəki şəhərində görüşüb. Onlar birlikdə Şəki İstehsal İpək Birliyi üçün inşa edilmiş yarımçıq tikiliyə gəliblər.
Həmin vaxt Xəyalə Mövsümova yenidən israrla Ramildən evlənməyi tələb edib, əks halda ondan polisə şikayət edəcəyini bildirib. Mübahisə zamanı Ramil Xəyalə Mövsümovanı boğaraq öldürüb.
Ramil Salamov Cinayət Məcəlləsinin 120.1-ci (qəsdən adam öldürmə) maddəsi ilə ittiham edilib.
Şəki Ağır Cinayətlər Məhkəməsinin hökmü ilə Ramil Salamov 10 il 6 ay müddətinə azadlıqdan məhrum edilib.
Hökmdən narazı qalan Ramil Salamov apelyasiya şikayəti verib. O, günahsız olduğunu, barəsində bəraət hökmünün çıxarılmasını istəyib. Həmçinin zərərçəkmiş tərəfdə apelyasiya şikayəti verərək, Ramil Salamovun cəzasının ağırlaşdırılmasını istəyib. Tərəflərin şikayəti araşdırılması üçün Şəki Apelyasiya Məhkəməsində araşdırılıb və onların şikayətləri təmin edilməyib.
Bundan sonra həm Ramil Salamov, həm də zərərçəkmiş tərəf kasasiya şikayəti verib. Tərəflərin şikayətinə Ali Məhkəmədə hakim Teymurxan Hacıqayıbovun sədrliyi ilə baxılıb. Hakim kollegiyası həm təqsirləndirilən şəxsin, həm də zərərçəkmiş tərəfin kasasiya şikayətini təmin etməyib.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar