Xəbər lenti
Telefon işlətdiyinə görə danlanan 16 yaşlı qız özünü asdı- Azərbaycanda
Dünən Cəlilabad rayonun Bayxanlı kəndində 16 yaşlı məktəbli qızın intihar etməsi hadəsisi ilə bağlı bəzi məqamlar üzə çıxıb.
Manevr.az xəbər verir ki, orta məktəbin 10-cu sinif şagirdi olan 2002-ci il təvəllüdlü Kamranova Aytac Hüseyn qızı əmisi oğlu ilə dalaşandan sonra həyatına qəsd edib. Belə ki, əmisi oğlu 16 yaşlı Aytacın telefon işlətməsini ona irad tutub. Yeniyetmə qız isə atasının ona telefon almadığını, ümumiyyətlə mobil telefondan istifadə etmədiyini, kiminləsə yazışmadığını deyib. Bundan sonra əsəblərinə hakim ola bilməyən qız dama gedərək özünü asıb.
Bayxanlı kənd orta məktəbinin direktoru Firudin Qürbətov bildirib ki: "Aytac Kamranova yaxşı davamiyyəti olan, məsuliyyətli və tərbiyəli şagird olub. Son iki gün idi dərsə gəlmirdi. Valideynləri noxud alağı üçün icazə alıb. Buna görə də hadisənin baş verdiyi gün, yəni dünən də dərsdə olmayıb. Bununla belə məktəbin ən sevilən, tərbiyəli, qanacaqlı şagirdlərindən biri idi. Hadisənin səbəbi araşdırmadan sonra dəqiq bilinəcək".
Qeyd edək ki, faktla bağlı Cəlilabad rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb, araşdırma aparılır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar