Bir yaşın qutlu olsun, igid Vətən oğlu!

Bilirsiniz bu igid kəşfiyyat komandiri kimdir? Azərbaycanın gerçək Milli Qəhrəmanı! Dədələrimiz deyib, dostunu göstər, kim olduğunu deyim. Elmar Allahverdiyev Azərbaycanın Milli Qəhramanı, film qəhramanı , savaşçı Rembonun prototipi kimi əfsanəyə çevrilən Mübariz İbrahimovun döyüş – savaş dostu , arxadaşı, çiyindaşı, qan qardaşıdır ! Milli Qəhraman , 44 günlük Vətən Qarabağ savaşını qanı ilə ZƏFƏRə daşıyan, general Polad Həşimovun, canlı əfsanə, polkovnik Tehran Mənsimovun silah-yaraq, döyüş dostu, çiyindaşıdır bu igid! Hələ diş-dırnaqları ilə Şuşa qayalıqlarına dırmanan, keçilməz sədləri Vətən eşqi ilə fəth edən, adı gələndə düşmənin canına vəlvələ düşən Xüsusi Təyinatlı Qüvvələri və onların igid komandanı, Ali Baş Komandana QƏLƏBƏ PARADINDA ZƏFƏR SALAMI verən general-leytenant Hikmət Mirzəyevi demirik. Elmar Allahverdiyev, görün, hansı igidlərlə çiyindaş, səngərdaş, savaşdaş olub!

Şuşa , Qarabağ fəthinə görə ödülləndirilən İgid Vətən oğlunun bu gün təqvimlə 34 yaşı olur, deyəsən. Amma gerçəkdə bizim yaşamımızın , başı dik yaşamımızın yaşı elə bir ildir! Azərbaycan kişisinin doğum günü 8 noyabr 2020-ci ildən hesablanır. Doğum günün qutlu olsun, igid el oğlu! Nə yaxşı doğuldun, nə yaxşı Qarabağda başımızdan saldığımız börkümüzü qaldırıb başımıza qoydun! Nə yaxşı, varsan, yenə də arxa – dayağımızsan ! Səni dünyaya gətirən ANAYA EŞQ OLSUN!

Məğrur Bədəlsoy