Xəbər lenti
"Ömrügödək xatirən dağların yaddaşında.. " -Xəqani HƏBİBOĞLU (ŞEİR)
Bu gün əslən Kəlbəcərdən olan, dünyadan vaxtsız köçən şair Ənvər Rzanın doğum günüdür. Xəqani Həbiboğlunun məhrum şairimizin xatirəsinə yazdığı "Xoş gördük, Ənvər Rza" şeirini Manevr.az-ın oxucularına təqdim edirik:
***
Hamı ilki-atalı,
Hamı sonda-yetimdi!
Yetimə həyat zülüm,
Dədəliyə- çətindi...
Yaşım yaşını keçdi,
Dünya ölüm-itimdi:
-Vaxt özün çəkir naza,
-Baxt özün çəkir naza,
Xoş gördük, Ənvər Rza!
...İndi mənlə yaşıdsan,
Bir vaxt əmim yaşında!
Özünü görməsəm də,
Nur heykəlin huşumda.
Ömrügödək xatirən
dağların yaddaşında.
Ləngərin ağır oldu
zamanın təlaşından:
Böyüklər qane aza,
Xoş gördük,Ənvər Rza!
Bulaq yuxusandasan,
Nolsun Tərtət yatmamış...
Ürəyindən yağ alıb
o Ay başıbatmamış...
Gözüm Dəlidağdadı,
Əlim qara çatmamış
ayağım çatdı buza,
Xoş gördük, Ənvər Rza!
Şair-anasıölmüş,
Kişnər qalan qulundu...
Kəlbəcər-İlahinin,
Yolu-sənin yolundu!
Güneydə qar qalmadı,
"Quzeydə qar sulandı!"
Az qalıb "yalan" yaza,
Xoş gördük, Ənvər Rza!
Elə urvata saldın,
Həsrəti sən, qəmi sən!
Şair, alim, vətəndaş,
tərcüməçi...hamı sən!
Yaxşılar yarışında
çempion kim?
Çəmi-sən!
Sözdən umac ovaraq,
Elə gözəl demisən...
Çoxu gedirdi duza,
Xoş gördük, Ənvər Rza!
Dəniz-sahili qumlaq,
Bulaq-dərddaş yarpıza!
Sel dağıda-dağıda,
Bulaqlar sıza-sıza.
Daşdan sızan bulaqtək,
Duruldun yaza-yaza.
İngilisin ürəyin
köklədin telli saza...
Xoş gördük, Ənvər Rza!
Xəqani HƏBİBOĞLU
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
İdman
Yazarlar
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
Sorğu
Portalımızı dəyərləndirin.
Çox oxunanlar