.png)
.png)
Xəbər lenti
Jirinovskidən Gürcüstanı Rusiyanın Türkiyə ilə quru sərhədi etmək çağırışı
Tanınmış politoloq: “Adətən Rusiyada ciddi problemlər yaşananda Jirinovski daha çox danışmağa başlayır”
Rusiya Dövlət Dumasının sədr müavini, Rusiya Liberal Demokrat Partiyasının sədri Vladimir Jirinovski Gürcüstanın Rusiyaya birləşdirilməsi ilə bağlı çağırış edib. Jirinovski çağırışını bu şəkildə ifadə edib ki, Rusiya ilə Türkiyə arasında birbaşa quru sərhədi olmalıdır. Bunun üçün isə Gürcüstan əraziləri Rusiyanın tabeçiliyində olmalıdır.
O qeyd edib ki, Gürcüstan həmişə Rusiyanın olub, Rusiya bir yerdə olub. “Belə bir bağlılıq olduğu halda niyə Rusiyanın Türkiyə ilə birbaşa quru sərhədi olmamalıdır? Rusiya ilə olmaq gürcü xalqının iqtisadi maraqlarına da uyğundur. Türkiyə ilə Rusiya arasında birbaşa quru sərhədinin olması üçün də tarixən Rusiyanın olmuş Gürcüstan yenidən Rusiyanın olmalıdır” , - deyə o bildirib.
Jirinovskinin Gürcüstanla bağlı dedikləri növbəti sərsəmləmədir, yoxsa Gürcüstan üçün Rusiya təhlükəsinin ciddiliyindən xəbər verir?
Politoloq Elçin Mirzəbəyli bildirdi ki, onun bir çox hallarda Rusiyanın rəsmi maraqlarını bir az aqressiv, bir az da təlxəksayağı dilə gətirdiyi kimsəyə sirr deyil: “Lakin bu, hər zaman belə deyil. Bəzən onun açıqlamaları kütlənin diqqətinin yayındırılmasına xidmət edir. Jirinovskiyə həvalə olunmuş missiyalardan biri də təlxəklik edib Rusiya ictimaiyyətinin diqqətini daxili və xarici proseslərdən yayındırmaqdan ibarətdir. Digər tərəfdən, Rusiyanın Türkiyə ilə taktiki sərhədləri var. Ermənistan sərhədini ruslar qoruyursa, bu, elə sərhədin olması deməkdir. Tarixi Azərbaycan torpaqlarında qondarma bir dövlət yaradıb Azərbaycanla Türkiyəni ayıran bir dövlətin Türkiyə ilə sərhədindən danışmaq üçün ancaq Jirinovski qədər həyasız olmaq lazımdır”.
Ekspertin fikrincə, ola bilsin ki, Gürcüstanın Avropa İttifaqı ilə əlaqələrinin inkişafı, Şengen zonasına daxil olan Avropa ölkələrinə Gürcüstan vətəndaşları üçün viza rejiminin aradan qaldırılması Moskvanı qıcıqlandırır və təlxək Jirinovski də Rusiyanın qəzəbini dilə gətirir: “Şübhəsiz ki, bu, sadəcə, ehtimaldır. Çünki məsələnin digər tərəfi də var. Adətən Rusiyada ciddi problemlər yaşananda Jirinovski daha çox danışmağa başlayır və daha uzaq hədəfləri nişan verir. Zənnimcə, Jirinovskinin son açıqlamalarına da elə bu kontekstdən yanaşmaq lazımdır”.musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar