Xəbər lenti
“Strateq.az” saytı fəaliyyətini dayandırır
“Strateq.az” saytı martın 10-dan fəaliyyət göstərməyəcək.
Manevr.az xəbər verir ki, bu barədə saytın baş redaktoru Elxan Şükürlü özünün “Facebook” hesabında məlumat paylaşıb:
"Dostlar, düz, 6 ildir - 2015-ci ilin 10 martından fəaliyyət göstərən və daha çox siyasi məzmunlu, analitik materiallarla görüşünüzə gələn, təsisçisi və baş redaktoru olduğum "Strateq.az" saytının fəaliyyətini qeyri-müəyyən müddətədək dayandırmaq qərarına gəldik.
Martın 10-dan etibarən, sayt yenilənməyəcək. Gələcəkdə fəaliyyətini bərpa edəcəksə də, mən baş redaktor olmayacam.
Bu 6 ildə çox az sayda olan, ancaq həddən artıq fədakar, bacarıqlı, milli-mənəvi dəyərlərimizi və həqiqi dövlət maraqlarımızı hər şeydən üstün tutan intellektual bir komanda ilə işlədik. 7 nəfərlə 70 nəfər kimi göründük!
Ancaq hər kəsə sübut etdik ki, bu ölkədə təmiz adını, şərəf və ləyaqətini ayaqlar altına atmayan, reketçiliklə, şantajla məşğul olmayan, sifarişlərlə "siyasi killer"lik etməyən, "reklam dilənçiliyi" ilə müxtəlif qapılarda sürünməyən jurnalistlərimiz də var!
Belə istedadlı və namuslu, zəhmətkeş jurnalistlərlə işlədiyim üçün çox şadam və onların hər birinə minnətdaram!
Bundan sonra bir kollektivdə olmaya bilərik, ancaq əsas odur ki, daha qalıcı münasibətlər - həddən artıq etibarlı, vəfalı dostlar, qardaş və bacılar qazandıq!
Eyni zamanda, bu 6 ildə bizi daim izləyən sadiq oxucularımızın da hər birinə təşəkkür edirəm!
Allah doğru yolda olanlarımıza kömək olsun!", - deyə o fikrini tamamlayıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar