Xəbər lenti
"Bir nəfər nazir, bir nəfər icra başçısı, bir nəfər deputat TV kanallarımızda tənqid edilmir - NİYƏ?"
"TV kanallarımız sadə vətəndaşın probleminə olduqca az diqqət ayırır. Ayıranda da “nə şiş yansın, nə kabab” deyib başdansovdu bir şeylə yaxalarını kənara çəkirlər"
Manevr.az xəbər verir ki, bunu İctimai Televiziya və Radio Yayımları Şirkəti Yayım Şurasının üzvü, Əməkdar jurnalist Azər Həsrət tv kanallarımızın bugünkü durumu ilə bağlı fikirlərini bildirərkən deyib:
"Demədi deməyin. Fəlakət qaçılmazdır. Onlayn TV-lərin sayı da artır, baxış sayı da. Neçə gündür sadəcə müşahidə aparıram. Özəlliklə də hakimiyyətə qarşı radikal mövqedə olan onlayn TV-lərin baxış sayları qısa müddətə yüzminlərlədir. Bir neçə günə-həftəyə isə milyonlarla. Bu isə o deməkdir ki, tamaşaçı alternativ axtara-axtara gedib bu TV-lərin üstünə çıxır. Sonra isə onlara abunə olur, davamlı izləyicilərə çevrilir. Yəni Az.TV başda olmaqla dövlətin əsas siyasi təbliğat vasitəsi olan yayım qurumları tamaşaçı itirir. Özü də hər gün minlərlə tamaşaçını. Yəni fəlakət həddindəyik. Bəs niyə baş verir bu? Sadə bir səbəbdən: TV kanallarımız sadə vətəndaşın probleminə olduqca az diqqət ayırır. Ayıranda da “nə şiş yansın, nə kabab” deyib başdansovdu bir şeylə yaxalarını kənara çəkirlər. Diqqət edəndə görürük ki, bir nəfər nazir, bir nəfər icra başçısı, bir nəfər deputat TV kanallarımızda tənqid edilmir. Niyə? Doğrudan da onların hamısı aydan arı, sudan durudurlar? Deyil axı. Hətta 44 günlük Vətən savaşı günlərində belə gözə dəyməyən, ictimai narazılıq yaradan N qədər məmur, deputat, hətta nazir oldu. Niyə onlar TV-lərdə tənqid edilməsin? Etmirsiniz? Etməyin. Onda tamaşaçı da axtardığını onlayn TV-lərdə tapacaq. Dövlətə bu lazımdırmı? Deyil təbii. Ona görə də bu işləri idarə edənlər papaqlarını qarşılarına qoyub yaxşıca düşünməlidirlər. Bizdən demək...",- deyərək o fikrini bitirib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar