Sizin Reklam Burada
Xəbər lenti
02 mart
01 mart
BÜTÜN XƏBƏRLƏR

Əli Həsənov danışmağa başladı: "Mən də insan idim…"

Tarix: 19-01-2021 10:07     Baxış: 494 A- / A+
Əli Həsənov danışmağa başladı: "Mən də insan idim…"


Prezidentin keçmiş köməkçisi, Prezident Administrasiyasının İctimai-siyasi məsələlər şöbəsinin sabiq rəhbəri Əli Həsənov "Facebook" səhifəsində izləyicilərinin sərt sualları, tənqidləri ilə üzləşir.

Manevr.az
yenisabah.az-a istinadən xəbər verir ki, sosial şəbəkə istifadəçiləri KİVDF ətrafında baş verən olaylardan dolayı onu ədalətsizlikdə, korrupsiyada, dövlətin media siyasətini batırmaqda qınayırlar. Bu ittihamların əksəriyyətini cavabsız qoyan sabiq şöbə müdiri, tənqidlərin birinə reaksiya verib.

İzləyicilərdən Xanlar Xoca onu günahlarını yumaq üçün tövbə etməyə dəvət edib: "Əli müəllim, Allah sizə qapı açmışdı, Prezidentin etimadını qazanmışdınız,amma siz o imkandan ədalətli istifadə etmədiniz, layiq olmayanlara hər cür şərait yaradıb, hətta ofis, maliyyə imkanları verdiniz, layiq olanlar isə kənarda qaldı. Bu gün dövlətin yaratdığı imkanlardan kənarda qoyduğunuz insanlar susur, şərait yaratdığınız və sizin sayənizdə tanınıb var-dövlət sahibi olanlar sizdən imtina edir, daha yaxşı görünmək üçün öz aralarında az qala "kim daha yaxşı yıxıb-sürüyər" prinsipi ilə yarışırlar. Əlindən tutduqlarınız üzünüzə durmağa hazırdırlar. Əminəm ki, çox sarsıntı keçirirsiniz, kimlərə şərait yaratdığınızı gördükcə peşmançılıq hissi keçirirsiniz. Mən də, başqaları da möhtərəm Prezidentimizə mediadakı vəziyyətlə bağlı müraciətlərimiz gedib çatmayanda, bütün yazdıqlarımız sizin şöbədə itib-batanda eyni sarsıntını keçirmişik. Nəinki evlər, maliyyə vəsaitləri ədalətsiz şəkildə bölündü, hətta tədbirlərə belə sizin adamlar dəvət olunurdu. Bu gün həmin adamlar sizə qarşıdır, ilk daş atan da məhz onlardır, həm də axtarıb ən yekə daşları tapıb atmağa çalışırlar ki, daha yaxşı rezonans doğursun. Siz ömrünüzü vəzifədə keçirdiniz, biz də məhrumiyyətlər içərisində. Gün gəldi siz vəzifəni itirdiniz, biz də olduğumuz yerdəyik. Sonda bərabər olduq. Budur ilahi ədalət! Sizin ümid edirəm ki, səhvlərinizdən nəticə çıxarmaq və tövbə etmək üçün kifayət qədər zamanınız olacaq. Biz haqqımızı halal etməsək də, Allah Rəhman və Rəhimdir".

Əli Həsənov isə cavabında yazıb: "Ümummilli Liderimizin gözəl bir fikri var idi. Söyləyirdi ki, "zaman hər şeyi öz yerinə qoyur”. Doğrudan da, həyatımızda hər şeyin qiymətini zaman verir. Kim nə etməliydi, yaxud etməməliydi... Mən məmur idim, insanlara şəraiti də mənə olan münasibətlərinə görə deyil, dövlətə, hakimiyyətə münasibətə, insanlara göstərdikləri xidmətə və həmin xidmətin ictimai dəyərləndirilməsinə görə qiymət verirdim. Mən də insan idim və qətiyyən o fikrdə deyiləm ki, hər şeyi ideal etmişəm. Yalnız deyə bilərəm ki, bunun üçün maksimum çalışmışam!".

Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının ilk hərfini yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2021    »
BeÇaÇCaCŞB
1234567
891011121314
15161718192021
22232425262728
293031 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar