Xəbər lenti
"Eh!, səni "dayısına" satan ölsün, ay Vətən!!!"-Milli DAŞQIN -Şeir
Manevr.az kəlbəcərli şair Milli Daşqının günümüzün reallığını, ağrı-acısını özündə cəmləşdirən "VƏTƏN" şeirini oxuculara təqdim edir:
VƏTƏN!
Üstünə yağıbmı qar, bu gecə sübhə qədər,
Soyuq oldu sənə də, üşüdünmü, can Vətən?!
Yaraların dərindi, simləyəsən, qorxuram,
Qaysaq tutmaz yaran çox, neynəyim? Can-can, Vətən!!!
Anan ölsün, ay Vətən, sənin bir yiyən hanı?
Ətini, iliyini sümürüb yeyən hanı?
Hanı, mənim çiynimdə kürsüyə gələnlərin?
Kürsüyə gələnlərmiş, kürsəyə gələnlərin!!!...
Deşib şah damarından borular keçirtdilər,
Sistem qoşub qanını, kimlərə köçürtdülər?
Kimdi yanan halına, ay anan-atan ölsün,
Qollarını bağlayıb, arxadan çatan, ölsün!
Qara bağrım kimidir, qara baxtlı Qarabağ,
Gəzdirirəm sinəmdə Təbriz boyda yara, bax!
Dərbənd irinli yaram, sağalması nagüman,
Hər gecə çiban kimi zoqquldayır, ayy aman!!!
Bu gecəki sazağı duyursanmı şəhidim?
Buz məzarın içində uyursanmı, şəhidim?
Vətən oğul istəsə, yorğana girən də biz!
Anana ağızdolu təsəlli verən də biz!
Unut, bizim tək belə yaddaşı unutqanı,
Sizin kimi bacını, qardaşı unudanı...
Asılsam da dilimdən, mən haqqı deyəcəyəm,
Başını dik tut, Vətən, sənə baş əyəcəyəm!
Gəlin, aparın məni, güllələyin, dincəlin,
Güllələməzdən öncə, sillələyin, dincəlin!...
Asın dar ağacından, doğrayın Babək kimi,
Hər dövrün məhkumu var, hər zamanın hakimi.
Torqaq kasıbın, atam, zəhmət kasıbkarların,
Amma vəzifə, kürsü, milli qəsbkarların...!
Nə var ki, vəsf eləyib nəğmə qoşum sənə mən,
Asandır şeir demək, dedim , deyim yenə mən.
Adını ağ kağıza böyük hərfnən yazım,
İçimdə yoxsa qeyrət, de, yazmağım nə lazım?
Anan ölsün, ay Vətən, atan ölsün, ay Vətən,
Eh!, səni "dayısına" satan ölsün, ay Vətən!!!
Milli DAŞQIN
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar