Xəbər lenti
Rüstəm Behrudi: "Xəbər gözləmirəm heç kimdən daha..."
Tanrım, sən bilirsən, mən səndən özgə
Xəbər gözləmirəm heç kimdən daha.
Manevr.az Rüstəm Behrudinin yeni şeirini təqdim edir:
QUŞBEYİN QAĞAYILAR VƏ
SAHİBSİZ İTLƏR ÜSTÜNƏ
Xəbər gözləmirəm heç kimdən daha...
Bir dilsiz balığam, məndə baxt hanı?!
Mənə öyrətdiyin sözə bağışla,
İlahi,sən mənə bir də vaxt tanı.
Xəbər gözləmirəm heç kimdən daha...
Həsəd aparıram ota, yarpağa;
İlahi,sən mənə bir də vaxt tanı,
Sənin istədiyin adam olmağa.
Həsəd aparıram tənhalığımdan
İtə, qurda-quşa, ağ ayılara...
Küçələr sahibsiz itlərə qalıb
Sahil də quşbeyin qağayılara.
Xəbər gözləmirəm, qara xəbərdən...
Üzü qara olsun boz xəbərin də!
Adamlar bir yana, dərdi öldürür
Məni yetim qalan küçələrin də.
Heç kimin heç kəsdən xəbəri yoxdu...
Ay batıb, gün doğmaz sevgimdən daha.
Tanrım, sən bilirsən, mən səndən özgə
Xəbər gözləmirəm heç kimdən daha.
Rüstəm Behrudi
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
.jpg)
Yazarlar
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Sorğu
Portalımızı dəyərləndirin.
Çox oxunanlar