Xəbər lenti
Türkiyədə qəzada ölən azərbaycanlı tələbə məmur oğlu imiş - FOTO
Fərman Məmmədli üç bacının bir qardaşı idi
İstanbulda faciəvi şəkildə həyatını itirən tələbə ilə bağlı maraqlı məqamlar üzə çıxıb. Məlumata görə, ''Cip''də düşdüyü yol qəzasında dünyasını dəyişən Fərman Məmmədli yüksək vəzifəli məmurun oğludur. F.Məmmədli iki gün əvvəl 10 MM 090 Azərbaycan nömrə nişanlı "Cip"lə gecə saat 02:30 radələrində Ədirnə istiqamətində gedən yolda qəza törədib.
Yüngül qəza zamanı Məmmədov və onunla birlikdə olan sevgilisi heç bir xəsarət almayıblar. Daha sonra Məmmədov sevgilisini taksi ilə yola salıb. Özü isə polisə və evuakatora xəbər verib. F.Məmmədov arxadan gələn avtomobillərə xəbərdarlıq etmək məqsədilə yol-nəqliyyat nişanını qoymaq üçün maşından düşüb. Bu zaman arxa tərəfdən gələn 34 NS 6981 nömrəli avtomobil onu vurub. Sürücü Yasin S. polisə və təcili tibbi yardıma xəbər verib. Lakin F.Məmmədov hadisə yerində ölüb.
F.Məmmədov İstanbulda özəl universitetlərin birində inşaat mühəndisliyi ixtisası üzrə təhsil alırmış.
Criminal.az saytına daxil olan məlumata görə, F.Məmmədli "Azərsu" Açıq Səhmdar Cəmiyyətinin nəzdində təsərrüfathesablı Tikilməkdə Olan Obyektlərin Müdirliyində müavin vəzifəsində çalışırmış. F.Məmmədlinin cənazəsi Bakıya gətirilərək dəfn olunub.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
Sorğu
Portalımızı dəyərləndirin.
Çox oxunanlar