Xəbər lenti
Cavid Fərzəli:"Su yolu gətirməz əllərim heyif, ayrılıq sarıbdı indi könlümü.."
"...Demə həsrət yolu kor dilənçiymiş,
Gözləri gecədi sanma könlümü..."
Manevr.az Cavid Fərzəlinin yeni şeirini təqdim edir:
***
O dilsiz baxışda, susqun baxışda
Yağışların görən gözü koruydu.
Bir-birinə əli çatan sularda,
Qayıq sevgiləri dəniz öldürdü.
Ağaclar qol-boyun,əl-ələ belə
Küçələr keçərdi sevda sarıdan.
Əllərim payıza qucaq açardı,
Yarpaqlar ölərdi səni sarıdan.
Yarıyol araya həsrət düşərdi,
Səadət gələrdi görüşümüzə.
Dalğalar sahilə su daşıyardı,
Dəniz su səpərdi ürəyimizə..
Su yolu gətirməz əllərim heyif,
Ayrılıq sarıbdı indi könlümü...
Demə həsrət yolu kor dilənçiymiş,
Gözləri gecədi sanma könlümü
Ya səni buludlar əlindən alam,
Ya sənsiz olam göy üzün sevən.
O billur günlərdə, yaqut günlərdə,
Bəxtəvər ocaqlar külünü sevən...
Cavid Fərzəli
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Təqvim
| « Sentyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
Sorğu
Portalımızı dəyərləndirin.
Çox oxunanlar