.png)
.png)
Xəbər lenti
Təbriz zindanında aclıq edən soydaşımızdan həyəcanlı müraciət
“Mən azərbaycanlı siyasi məhbus Murtaza Muradpuram. Təxminən 25 və ya 26 aydır ki, həbsdəyəm. Hazırda Təbriz zindanının 12-ci korpusunda saxlanılıram və dekabrın 24-də aclıq aksiyamdan 61 gün keçir. Mən aclıq etdiyim gündən su, kəmrəng çay, bir neçə qənd və bir az duzdan başqa heç nə qəbul etmirəm”.
Bu, Təbriz zindanında məhbus həyatı yaşayan azərbaycanlı siyasi məhbus Murtaza Muradpurun dekabrın 24-də yaydığı müraciətindəndir. Öz sağlamlıq durumu ilə bağlı səs faylı yayan azərbaycanlı fəal daha sonra bildirib: “Etiraz aksiyamın səbəblərini Şərqi Azərbaycan Ədliyyə Şöbəsinin rəisi, sonra isə İran Məhkəmə Sisteminin rəisinə məktub vasitəsi ilə izah etmişəm. Əsas tələbim mənim dosyemlə bağlı cəza qanununun 10-cu maddəsi və islam cəza qanununun 134-cü maddəsinin icra edilməsi məsələsidir. Aclıq aksiyama səbəb olan digər məsələ mənə qarşı ”sistemin əleyhinə təbliğ etmək" və “ölkə təhlükəsizliyini pozmağa cəhd göstərmək” ittihamlarının irəli sürülməsidir. Bu barədə səlahiyyətli məsullara yazdığım məktublarda geniş məlumat vermişəm".
M.Muradpur müayinədən sonra sağlamlığının təhlükədə olduğunu da qeyd edib. Aclıq nəticəsində təxminən 27 kiloqram çəki itirmişəm. Çox zəifləmişəm. Hətta şəxsi işlərimi də kiminsə yardımı olmadan görə bilmirəm. Lakin aclıq aksiyamı azadlığa buraxılanadək davam etdirəcəm, əks halda bu yolda öləcəm".
Şənbə günü isə Təbrizdə M.Muradpurla bağlı dəstək aksiyası keçirilib. Toplantıda siyasi məhbusun ailə üzvləri ilə yanaşı, bir çox milli-mədəni fəal da qatılıb. Etirazçılar Murtaza Muradpurun qanuni tələbinin təmin edilməsi və onun azadlığa buraxılmasını tələb ediblər. GünAz TV-nin yaydığı məlumata görə, İranın təhlükəsizlik qüvvələri dinc keçirilən yığıncağa kobud şəkildə müdaxilə edib, aksiyaçılara qarşı zorakılıq tətbiq edərək onlardan bir neçəsini saxlayıb. Etiraz yığıncağı keçirildiyi əraziyə çox sayda təhlükəsizlik qüvvələrinin toplaşdığı bildirilir. M.Muradpur aclıq aksiyasını oktyabrın 25-dən keçirir.musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar