_99.jpg)
Xəbər lenti
Cavid Qurbanov Faiq Qarayevin ordenini təqdim etdi- ŞƏKİLLƏR
Azərbaycan Voleybol Federasiyasında idmanın inkişafındakı xidmətlərinə görə Prezident İlham Əliyevin sərəncamına əsasən 2-ci dərəcəli "Əmək" ordeni ilə təltif edilən Federasiyanın I vitse-prezidenti Faiq Qarayevə mükafat təqdim olunub.
Bu münasibətlə təşkil olunan tədbirdə "Azərbaycan Dəmir Yolları" QSC-nin sədri, AVF-nin prezidenti, millət vəkili Cavid Qurbanov da iştirak edib. O, 60 yaşlı mütəxəssisi təbrik edərək, onun karyerasından söz açıb. Bildirib ki, F.Qarayevin həyatı voleybolla bağlıdır, ömrünün böyük hissəsini bu sahəyə həsr edib. Faiq Qarayev məşqçi olmağı hər şeydən üstün tutub, müxtəlif yerlərdə, Rusiya və Türkiyədə işləyib. Daha sonra dövlət başçısının dəvəti ilə Azərbaycana gələn idman ustası bir sıra uğurlara imza atıb. Onun Azərbaycan idmanına verdiyi töhfə dövlət tərəfindən hər zaman yüksək dəyərləndirilib.
"Tərəqqi" və "Şöhrət" ordenlərinə , "Əməkdar məşqçi" adına layiq görülüb. Oktyabrın 17-də isə Prezident İlham Əliyev Faiq Qarayevin 2-ci dərəcəli “Əmək” ordeni ilə təltif edilməsi haqqında sərəncam imzalayıb.
Sərəncam oxunduqdan sonra Voleybol Federasiyasının prezidenti C. Qurbanov ordeni F.Qarayevə təqdim edib.
Tədbirdə Milli Olimpiya Komitəsinin vitse-prezidenti Çingiz Hüseynzadə, Gənclər və idman nazirinin müavini İsmayıl İsmayılov da əməkdar məşqçini təbrik ediblər və onun uğurlarından, ölkədə voleybolun inkişafındakı xidmətlərindən danışıblar.
Tədbirin sonunda AVF-nin Rəyasət Heyətinin adından qurumda çalışan Zöhrab Gözəlbəyli, Oqtay Musayev, Rafiq Rəsulov və Nona İsmayılovaya da yubileyləri münasibəti ilə xüsusi diplomlar verilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar