Xəbər lenti
Fransua Oland prezidentlikdən niyə gedir?
Fransa prezidenti Fransua Oland dekabrın 1-də paytaxt Parisin Yelisey sarayından xalqa müraciət edib. Televiziya ilə birbaşa yayılan müraciətində Fransua Oland gələn ilin yazında keçiriləcək prezident seçkisində namizəd olmayacağını açıqlayıb.
Sosialist Partiyasının liderlərindən olan Fransua Oland 2012-ci il mayın 6-da prezident seçilib. Konstitusiya ona ikinci dəfə dövlət başçısı seçilmək imkanı verir.
Novator.az-ın məlumatına görə, Fransua Oland deyib ki, dövlət başçısı seçilməzdən əvvəl verdiyi vədlərin hamısının vaxtında və tam gerçəkləşməsi mümkün olmayıb, bəzi işlər görülməsi zamanı isə səhvlərə yol verilib. Bir çox səbəbdən populyarlığının aşağı düşdüyünü etiraf edən Fransua Oland 2017-ci ildə keçiriləcək prezident seçkisinə qatılmaq istəmədiyini vurğulayıb.
Fransada sağ və mərkəzçi partiyaları 2017-ci ilin prezident seçkisində təmsil edəcək namizəd seçimi ötən ayın sonunda başa çatıb. Prezidentlik uğrunda sabiq baş nazir Fransua Fiyon mübarizə aparacaq.
Sosialist Partiyasının namizəd seçimi gələn il yanvarın 22-si və 29-da keçiriləcək.
Fransua Oland 1954-cü il avqustun 12-də Fransanın Ruan şəhərində doğulub. HEC Paris Biznes Məktəbini, Paris Siyasi Təhqiqatlar İnstitutunu, Milli İdarəçilik Məktəbini bitirib. 1979-cu ildən Sosialist Partiyasının üzvüdür.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar