.png)
Xəbər lenti
Nəriman Həsənzadənin 85 illik yubileyinə həsr edilmiş tədbir keçirilib -SUMQAYITDA/ FOTOLAR
Sumqayıt şəhər Mədəniyyət və Turizm idarəsinin Mətbuat xidmətindən Manevr.az-a verilən xəbərə görə, Sumqayıt şəhər Poeziya Evində Azərbaycanın xalq şairi Nəriman Həsənzadənin 85 illik yubileyinə həsr edilmiş tədbir keçirilib.
Tədbiri şairin “Zirvə” şeiri ilə açan Əli Kərim adına Poeziya Klubunun direktoru, şair İbrahim İlyaslı yubilyar şairin ömür və yaradıcılıq yolundan söz açıb və şairi yubileyi münasibətilə təbrik edib.
Tədbirdə çıxış edən professor Rüstəm Kamal, tənqidçi Vaqif Yusifli, yazıçı-publisist Atababa İsmayıloğlu, şair Əşrəf Veysəlli, cənublu şair Aqşin Ağkəmərli, şairə Ofelya Babayeva və digərləri Nəriman Həsənzadə yaradıcılığı haqqında ətraflı çıxış edib, şairlə bağlı maraqlı xatirələrini söyləyiblər.
Tədbirdə bədii qiraətçilər Gülbəniz Abbasova, Amil Babayev və Elvin Əlizadənin ifasında şairin müxtəlif illərdə yazdığı şeirlər böyük maraqla dinlənilib, xanəndə Təhmiraz Şirinovun ifasında səslənən mahnılar, Aşıq İlham Aslanbəyli, Aşıq Şəhriyar Qaraxanlı, Aşıq Pəri məclisinin gənc nümayəndələrinin ifasında saz havaları xoş ovqat yaradıb.
Sonda Sumqayıtda son zamanlar gedən quruculuq işlərindən söz açan xalq şairi Nəriman Həsənzadə tədbirin təşkilatçılarına öz səmimi minnətdarlığını bildirib, həyatı və fəaliyyəti ilə bağlı xatirələrini bölüşüb, şeirlərindən nümunələr söyləyib.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar