Xəbər lenti
RAMAZANINIZ SEVGİYƏ - Çinarə Ömrayın xəyal ürünləri...
Ramazan ayı idi.
Onu bu ayda itirmiş, yenidən qayıdıb bu ayda qazanmışdım.
Əslində itirməyincə o boşluğu duymayacaqsan. Bir tərəfinin necə kimsəsiz qaldığını, içindəki boşluğa bir ip atıb gah özünü, gah da günahlarını asıb yelləməyi və bundan dolayı necə xoşbəxt-xoşbəxt bədbəxtləşməyini bilməyəcəksən.
O aralar da, belə idim...
Camaatın boğazında çöp qalar, gedər çöpçüyə, o da çıxarar.
Mənim boğazımda adam qalmışdı, adam!
Bir ramazan gecəsi görüşdük.
Heç nə demədən mənə elə bərk-bərk sarıldı ki...Bir anlıq bütün boğazımda qalan adamlar yox oldu, gecənin üzünə günəş güldü, bütün oruc tutanlar təşfişə düşdü ki, ay vaxtından öncə doğdu, pis iş görmüş adam kimi üzüqara olan gecə də qiyafəsini dəyişib təzə gəlin kimi utana-utana gülümsədi.
Sonra heç nə demədən addımladıq. Gecənin dərinliyinə, sahura doğru addımladıq.
Çox şey dəyişdi o gecə. Bir dost ramazanda sahura aşiq oldu. Sonra bütün gecələrə günəş doğdu. Sonra da həqiqət doğuldu. Hamının axtardığı, uğrunda öldüyü, dünyanın müharibələr apardığı o həqiqətə çatmışdıq həmin ramazan.
O gündən ramazan sevgi ayı olmuşdu. İkimiz bir əldə ucalmışdıq allaha, ikimiz bir enerjidən doğulmuşduq o gecə, ikimiz bir bədəndə yox olmuşduq.
Otağın küncündə birinin göyə açılan ovuclarından, digərinin tavana dikilmiş gözlərindən dualar ucalırdı üzü ərşə.
Allah eşitmişdi...İllər sonra anlamışdım ki, allah mənim dualarımı baxışlarımdan oxuya bilirmiş, sən demə.
Kiminin duaları ovuclarından, kiminin duları isə baxışlarından oxunurmuş.
O gündən gözlərim göylərdən yığılmır. O gündən məni bir baxışımdan yerdə o, göydə isə o biri anlaya bilir.
Ancaq ikisi də yaxın olduğu qədər uzaqdır, mənim olduğu qədər deyil , real olduğu qədər xəyal ürünüdür...
Ramazanınız sevgiyə...
Çinarə Ömray
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar