Xəbər lenti
Bakıda "roliklə" ölümə gedən gənclərin videosu yayıldı: DYP-dən xəbərdarlıq - VİDEO
Bakıda bir qrup gənc ayağına təkərlik, yəni''rolik'' geyərək şəhərin mərkəzi küçəslərində şou göstərirlər. Nəqliyyatın intensiv hərəkət etdiyi yoldasürətlə gedən həmin şəxslər avtobus və digər nəqliyyat vasitələrinin arasında hətta təhlükəli manevrlər də edirlər. Yol polisi belə gənclərə xəbərdarlıq edib.
Biri geri, digərləri isə düzünə hərəkət edərək yolda sanki şou göstərir.
Görüntülər paytaxtın mərkəzi küçə və prospektlərini 24 saat nəzarətdə saxlayan təhlükəsiz şəhər kameralarına düşüb. Kadrlardan aydın olur ki, bir qrup gənc gecə vaxtı ayaqlarına təkərlik, yəni ''rolik'' geyinərək şəhərin mərkəzi küçələrində yolun hərəkət hissəsi ilə gedirlər.
Vəziyyət o yerə çatıb ki, gəncələr həyatlarını böyük təhlükəyə ataraq avtobusun və digər nəqliyyat vasitələrinin qarşısında sürətlə hərəkət edirlər. Bu zaman onlardan birini az qalsın avtomobil vura. Onlar Parlament prospekti ilə Mikayıl Müşfiq küçəsinin kəsişməsindən start götürərək üzü Nərimanov heykəlinə tərəf yol boyu təhlükəli manevrlər ediblər. Onların belə təhlükəli vəziyyətini polis aşkar edən kimi dərhal hərəkətə keçib və saxlayıb.
Söhbət zamanı gənclərin 17-21 yaşlarında olduğu müəyyən edilib. Onlara pozduqları qaydalar izah olunub, bunun təhlükəli tərəflərini bildirilib. Polis əməkdaşları həmin şəxslər barəsində inzibati qaydada protokol tərtib edib və gənclər cərimələnib. Bakı Şəhər Dövlət Yol Polis İdarəsinin Bölmə rəisi Vaqif Əsədov deyir ki, velosiped, ''skeyt''və yaxud da ''rolik''lə yolun hərəkət hissəsinə çıxmaq qanunla qadağandır.
Qeyd edək ki, bu kimi qaydaları pozanlar inzibati xətalar məcəlləsinin müvafiq maddəsi ilə 20 manat məbləğində cərimə olunurlar. Vaqif Əsədov deyir ki, ilin əvvəlindən bu günə qədər kameralar vasitəsi ilə çoxlu belə şəxslər aşkar edilib və cərimə olunublar.
Yol polisi bir daha bu cür vasitələrdən istifadə edən gənclərə,yolun hərəkət hissəsinə çıxmamaqla bağlı xəbərdarlıq edir.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar