_99.jpg)
Xəbər lenti
“Nemət Pənahlı həmişə voleybol topu kimi ortalıqda qalıb”
Ölkədə siyasi proseslər yeni mərhələyə qədəm qoyur.
Yeni təşkilatlar yaranır və ya yaranacağı elan edilir. Maraqlıdır ki, yeni yaranan təşkilatların rəhbər vəzifələrində yer alanlar əsasən uzun illər siyasi camədə təmsil olunanlardır. Bəzən isə bu qurumlar yarandıqdan qısa zaman sonra qarşıdurmalara meydan olur, proseslər parçalanma həddinə çatır.
Sabiq nazir İsgəndər Həmidovun təşəbbüsü ilə yaradılan Azərbaycan Xalq Hərəkatı da (AXH) belə vəziyyətlə üzləşib. Belə ki, Milli Dövlətçilik Partiyasınn sədri Nemət Pənahlı Azərbaycan Xalq Hərəkatından (AXH) uzaqlaşdırılıb. N.Pənahlının təşkilatdan uzaqlaşdırılmasına onun "qeyri-səmimi davranışları"ı səbəb olub. Məlumatlara görə, N.Pənahlı son vaxtlar Əli Kərimli və başqa siyasilərlə gizli danışıqlar, sövdələşmələr içindəymiş və AXH rəhbərliyindən gizli proseslərə qoşulub. Onun bu hərəkətləri AXH-də narahatlıq yaratdığndan, martın 25-də keçirilən yığıncaqda N.Pənahlı qurumdan uzaqlaşdırılıb. Maraqlıdır ki, Nemət Pənahlının AXH-dən uzaqlaşdırılmasından sonra zatən yeni yaranan təşkilatın daha da zəifləyəcəyi şəklində fikirlər də səslənirdi.
Ümumiyyətlə, yeni yaranan təşkilatların fəaliyyəti nə dərəcədə uğurludur?
Yaxud Nemət Pənahlını siyasətçilər hansısa təşkilatı zəiflədəcək qədər ciddi siyasi fiqur hesab edirmi?
Siyasi şərhçi Zərdüşt Əlizadə cebhe.info-ya açıqlamasında yeni yaranan təşkilatları missiyasız, proqramsız, lazımsız qurum kimi xarakterizə edib:
“Sabir Rüstəmxanlının gözəl bir sözü var: Bu hərəkatlar animasiyadır. Real həyatla heç bir əlaqəsi olmayan “boş nağara” kimi təşkilatlardır. Nə proqramları, nə amalları var, nə də xalqa nəsə verə bilərlər. Heç də xalq da onlara inanmır. Vaxtı ilə Xalq Hərəkatı olub, bəxti gətirməyib. Ondan cürbəcür partiyalar qopub. İndi oturub gözləyirlər ki, hakimiyyəti onlara qaytaracaqlar. Amma heç kimə heç nə qaytaran deyillər. Hər şey bitib, qurtarıb. Ona görə də cürbəcür əhəmiyyətsiz, saxta təşkilatlar elan edirlər, amma yarada bilmirlər, bilməzlər də. Sıfrın üzərinə sıfır gələndə həmişə sıfır edir. Onlar da hamısı sıfırdırlar, nə qədər bir araya gəlsələr, yenə də sıfır olacaqlar”.
Nemət Pənahlı ilə bağlı məsələyə də toxunan Z.Əlizadə onun siyasi fəaliyyətinin Azərbaycana ziyan vurduğunu deyib:
“Nemət Pənahlı həmişə voleybol topu kimi ortalıqda qalıb. İndi də özünə yer tapa bilmir, ora-bura qaçır. Hökumətə söz atır, bir az yatıb yenidən çıxır. Yenə də ora-bura qaçır. Bu adam məsləksiz, amalsız bir adamdır. Onun harada qalması, haradan çıxması heç nəyi dəyişmir. Onun bütün siyasi fəaliyyəti Azərbaycana yalnız ziyan vurub”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar