Xəbər lenti
Eldar Mahmudov istintaqda dindirilib - "adamları" onun adını çəkirlər
“MTN işi” ilə bağlı Gununsesi.info saytına ilginc məlumatlar daxil olub. Bildirilir ki, keçmiş milli təhlükəsizlik naziri Eldar Mahmudov həbs olunmasa da, istintaqdan kənarda saxlanılmayıb.
Xüsusi qrup onun günlərlə dindirərərək ifadəsini alıb. Onun ifadələrində rəhbərlik etdiyi dəstəsi barədə dəqiq bilgi yoxdur. Lakin o məlumdur ki, dəstə üzvləri bütün işləri Eldar Mahmudovun göstərişilə yerinə yetirdiklərini deyiblər. Həmçinin bu dəstənin qurbanları olan çoxsaylı iş adamları, vəzifə sahibləri də ifadələrində daha çox Eldar Mahmudovun adını çəkiblər.
“Təbii ki, onlar Eldar Mahmudovun adını onun dəstə üzvlərinə istinadən çəkiblər. Dəstə üzvləri tora saldıqları şəxslərə bütün bunları Eldar Mahmudovun göstərişilə etdiklərini deyiblər. Bütün bunlar təfərrüatı ilə həmin şəxslərin ifadələrində əks olunub”, – deyə məlumatı verən mənbə bildirib.
Qaynaq deyir ki, ifadələrdə Eldar Mahmudovun adının qırmızı xətlə keçməsi istintaqı çətinə salıb: “Bu halda Eldar Mahmudovsuz məhkəmə prosesinin keçirilməsi absurd olar. Ya məhkəmə qapalı keçirilməlidir, ya da Eldar Mahmudov da həbs olunmalıdır. Amma daha çox məhkəmə prosesinin qapalı keçirilməsi üzərində dayanılıb. Lakin hakimiyyət fərqindədir ki, bu, ictimaiyyət tərəfindən birmənalı qarşılanmayacaq. Məhkəmə qapalı keçirələcəyi təqdirdə bu növbəti tamaşa kimi qiymətləndiriləcək”.
Qeyd edək ki, “MTN işi” çərçivəsində 19 nəfər həbs olunub. Onlardan bir çoxu general rütbəsi daşıyır. Lakin hansısa səbəbdən Eldar Mahmudov azadlıqda saxlanılıb. Bəzi iddialara görə, Eldar Mahmudovun hələ də həbs olunmaması onun əlində hakimiyyətlə bağlı ciddi kompromatların olması ilə əlaqədardır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar