Sizin Reklam Burada
Xəbər lenti
21 iyul
20 iyul
BÜTÜN XƏBƏRLƏR

Azərbaycana qarşı “ŞAH” gedişi - Şahsa qanun deyil, qanun şahdır...

Tarix: 11-07-2018 14:01     Baxış: 2262 A- / A+
Azərbaycana  qarşı “ŞAH” gedişi


Gəncə şəhər icra başçısnın güllələnməsi adi kriminal hadisə olmaqdan çıxıb. Artıq masştabı daha geniş vüsət alıb. Nəyin hesabını soruşurlar aydınlıq verən yoxdur.

Din, sosial narazılıq, şəxsiyyətin alçaldılmasına etiraz, yoxsa tamamilə fərqli iddia və istəkdən irəli gəlir bütün bu iğtişaşlar? Xarici güclərin rolu nə qədərdir?Ən maraqlısı da niyə Gəncə və Elmar Vəliyev üzərindən baş verib? Ölkədə həyəcan təbili çalınmağa əsas varmı, yoxsa rəsmi qurumların yaydığı 4 cümləlik press-relizə inanmaq lazımdır? “Ölkədə siyasi sabitlik davam edir”mi?

....Faktsa hökümdür, onu qəbul etməmək sadəcə özünüaldatmaqdır ki, bu hadisələrə real qiymət verməyə mane olan ən böyük amildir

Hadisələrin motivinə, narazı kütlənin, insanların səsləndirdiyi fikirlərə yönəlsək olaylar tam çılpaqlığıyla göz önündə olacaq. İddia olunduğu kimi xarici kəşfiyyatın prosesləri tənzimlədiyini, təsir etdiyini, təşkil etdiyini müşahidə etmək, qəbul etmək dövlət nəzəriyyəsi və anlayışı ilə prosesə yanaşan insanlar üçün uğursuz, qəbul olunması olduqca çətindir. Faktsa hökümdür, onu qəbul etməmək sadəcə özünüaldatmaqdır ki, bu hadisələrə real qiymət verməyə mane olan ən böyük amildir. Anlaşılan odur ki, incəliklə hesablanan gedişlərə uzun zamandır ki, hazırlıq gedir və reallaşması üçün uyğun zaman, uğurlu personaj, münbit mühit, həssas motiv(lər) gərəklidir ki, rəqibə şah deyə biləsən. Dini inanclara həssas olan Gəncə, etik davranışlarıyla yerli insanların həzm edə bilmədiyi, bir sıra hallarda qıcıqlandığı icra başçısı və yüksələn sürətlə artan narazılıq tətiyi çəkmək üçün yetərlidir. Olduqca dəqiq və düşünülmüş gedişin doğura biləcəyi əks-səda və arxasınca atılacaq, atılması planlaşdırılan addımlar fonunda ŞAH gedişiylə qarşı-qarşıyayıq. Dövlət mexanizmini idarə edənlərin verəcəyi cavabdan daha çox şəxsən məni düşündürən tamamilə fərqli məsələlərdir.


Uğurlu kadr olsa belə, yerlərdə həzm olunmursa, onun gələcəyə yönəlik problem yarada biləcəyi ehtimalı nəzərə alınmalı...

Dövlətin ön görməsi, hadisələri analiz edib proqnoz verməsi, ehtimallar üzərində baş sındırması, ola biləcək təhdid və açıq təhlükələrə qarşı önləyici addımlar atması mexanizmi idarə edən düşüncələrin ümdə prinsiplərindən olmalı deyilmi? Fərdin dövlətə nə qədər və necə qulluq etməsi ölkəyə dəyə biləcək zərər fonunda əhəmiyyət kəsb edə bilməz. Uğurlu kadr olsa belə, yerlərdə həzm olunmursa, onun gələcəyə yönəlik problem yarada biləcəyi ehtimalı nəzərə alınmalı, təhlükənin beşikdəcə boğulmasına nail olmaq zamanında mümkün idi. Bu baxımdan, Şah gedişini özümüz-özümüzə vermişik. Ona görə də, masadan qalxmamış gedişlərimizdəki nöqsanları aradan qaldıraq.

...Bütün anoloji və digər olaylarla bağlı mexanizmi idarə edənlər prezidentin son müşavirədə söylədiyi fikirləri əsas tutmalı, qabaqlayıcı tədbirlər görməlidirlər

Önümüzdə gediş də çoxdur, qaydalar da bizim tərəfimizdədir. Ən əsası isə sahə bizimdir. Təkcə bu məsələdə deyil, eləcə də bütün anoloji və digər olaylarla bağlı mexanizmi idarə edənlər prezidentin son müşavirədə söylədiyi fikirləri əsas tutmalı, qabaqlayıcı tədbirlər görməlidirlər. Eyni düşüncə və davranışda olan, fəaliyyətlərinin istəmədən belə olsa ölkəyə, xalqa, sabitliyə zərər verəcəyi yəqin edilən, ön görülən məmurlar süzgəcdən keçirilməlidir. Əgər doğurdan da bu ölkədə sabitliyin pozulmasını, xarici güclərin maraqlarını təmin etməsini istəmiriksə, o zaman proses surətlənməli,ictimai rəyin istək və düşüncələri nəzərə alınmalı, xalqın dövlətlə vəhdət təşkil etməsinə nail olunmalıdır.

Rövşən Rəhimli
Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    İyul 2018    »
BeÇaÇCaCŞB
 1
2345678
9101112131415
16171819202122
23242526272829
3031 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar