_99.jpg)
Xəbər lenti
Sumqayıtda "İdrak" liseyinin 10 illiyi qeyd edildi - VİDEO/ FOTOLAR
Manevr.az xəbər verir ki, Sumqayıtda "İdrak" liseyinin 10 illiyinə həsr olunmuş "İDRAK- 10 ilin işığında" adlı tədbir keçirilib.
Sumqayıt Dövlət Dram Teatrında təşkil olunmuş tədbirdə əvvəlcə liseyin inkişaf və fəaliyyətini əks etdirən video-çarx təqdim olundu. Tədbiri giriş sözü ilə liseyin yaradıcısı və təsisçisi, Pedaqoji elmlər doktoru, professor Mönsüm Alışov açdı. Qonaqları salamladı, liseyin təhsilə verdiyi töhfələrdən, qazandığı uğurlardan, iş prinsiplərindən bəhs edən geniş məruzə etdi. Sonra natiq sözü Sumqayıt şəhər İcra Hakimiyyəti başçısının müavini Teymur Səmədova verdi. T.Səmədov çıxış edərək şəhər rəhbərliyi adından liseyin müəllim və şagird kollektivini, bütün işçi heyəti təbrik etdi . Liseyin gələcəkdə daha böyük uğurlar, nailiyyətlər qazanmasını arzuladı və icra başçısı Zakir Fərəcovun adından liseyə hədiyyə təqdim etdi. Daha sonra söz Təhsil Nazirliyinin nümayəndəsi Əsgər Quliyevə verildi. Əsgər müəllim "İdrak" liseyinin təhsildəki yeniliklərindən və yalnız bu təhsil müəssisəsində tətbiq olunan "Media dərslər" innovativ layihəsinin uğurlarından danışdı. Liseyin hər il yüz faizllik nəticə göstərərək özünü doğrultduğunu vurğuladı. Tədbirdə liseyin bir qrup müəllim heyəti Təhsil Nazirliyinin və Sumqayıt şəhər İcra Hakimiyyətinin təsis etdiyi döş nişanı, diplom və fəxri fərmanlarla təltif olundu. Rəsmi hissədən sonra tədbir konsert proqramı ilə davam etdi. Bir sıra tanınmış müğənnilərlə yanaşı liseyin şagirdlərinin də maraqlı çıxışları alqışlarla qarşılandı.
Sevinc Qərib
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar