Xəbər lenti
"Bu, həm Dədə Şəmşirin, həm də Ağdaban şəhidlərinin ruhuna ehtiram olar"- Rafiq Oday
Bu günlərdə Sumqayıtda M.Ə.Rəsulzadə adına kitabxanada "DƏLİDAĞ" Ədəbi Birliyinin və M.Ə.Rəsulzadə adına kitabxananın təşkilatçılığı ilə Dədə Şəmşirin 125 illik yubileyinə həsr olunmuş "Şəmşirəm, nə gözəl diyar oğluyam" adlı gecə keçirildi.
Gecədə çıxış edən Azərbaycan Jurnalistlər Birliyi Sumqayıt şəhər təşkilatının sədri, əməkdar jurnalist, şair Rafiq Oday Dədə Şəmşirin həyat və yaradıcılığından bəhs etməklə yanaşı ağrılı-acılı, göynək məqamlara da toxundu. 1992-ci ilin aprelində baş vermiş Ağdaban faciəsi və faciənin fəsadları haqqında danışan R.Odayın gələcək üçün irəli sürdüyü təklif maraqla və alqışlarla qarşılandı.
Manevr.az bunu nəzərə alıb həmin təklif-çıxışı diqqətinizə çatdırır:
"1992-ci il aprelin 7-dən 8-nə keçən gecə Ermənistan silahlı birləşmələri Dağlıq Qarabağdakı separatçı erməni quldur dəstələrinin köməyilə Kəlbəcərin Ağdaban kəndinə hücum etdilər. Bu faciə zamanı 32 nəfər amansızcasına qətlə yetirilmişdir. Dədə Şəmşirin nəslindən olan 15 nəfər sakin də bu faciənin qurbanı olmuşdur. Erməni quldurları Dədə Şəmşirin evini yandırmaqla, bu nəhəng söz sərrafının bədii irsini, bütün külliyatını da məhv etmişlər. Ümumilikdə isə Qarabağ savaşında bu nəsildən şəhid olanların sayı, səhv etmirəmsə, 23 nəfərdir. Mən təklif edərdim ki, torpaqlarımız işğaldan azad olunduqdan sonra Kəlbəcərdə, elə Ağdaban kəndinin özündəcə möhtəşəm abidə kompleksi ucaldılsın. Dədə Şəmşir hündür bir postament üzərində əlində saz igidləri döyüşə səsləyən vəziyyətdə təsvir olunsun, aşağıda isə bu nəslin şəhid övladları, ümumilikdə isə Ağdaban faciəsinin qurbanları təsvir olunsunlar. Bu həm Dədə Şəmşirin ruhuna və Ağdaban şəhidlərinin xatirəsinə ucaldılmış bir abidə kompleksi olsun, həm də talan olunmuş mədəniyyət abidələrimizə ucaldılmış bir abidə rolunu oynasın."
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar