.png)
Xəbər lenti
Çinin məşhur smartfonlarının satışı dayandırıldı
“ZTE” şirkəti ABŞ-ın tətbiq etdiyi sanksiyalara görə əsas əməliyyat fəaliyyətini dayandırıb.
“Minval.info” ICTnews-a istinadən xəbər verir ki, şirkətin rəsmi internet mağazası bağlanıb və “Taobao” saytında elektronikanın satışı aparılmır.
Bundan əvvəl ABŞ qanunvericilik orqanları tərəfindən yerli şirkətlərə 2025-ci ilədək Çinə qurğuların komplekt hissələrinin ixracı qadağan edilib. Problem ondadır ki, Çin şirkətinin əsas tədarükçüləri məhz ABŞ-da fəaliyyət göstərir.
Məlumata görə, “ZTE” şirkəti yeni komplekt hissə tədarükçüləri tapacağı halda fəaliyyətini davam etdirəcək. “the Wall Street Journal” nəşri bildirir ki, bundan sonra smartfonlarda Tayvanın “MediaTek” istehsalçısının prosessorları quraşdırılacaq.
Bundan başqa, şirkət vacib smartfonlar bazarından məhrum ola bilər. “ZTE” brendi stabil olaraq ABŞ-da ən populyar qurğular beşliyinə daxildir. ABŞ hökuməti Çin smartfonlarının hərbi bazalar ərazisində satışına qadağa tətbiq edib. Daha əvvəl isə Federal Təhqiqatlar Bürosu (FTB) ölkə sakinlərini Çin smartfonlarından istifadənin təhlükəsi barədə xəbərdarlıq edib. Büronun məlumatına görə, bu qurğular fərdi məlumatları oğurlayaraq üçüncü şəxslərə ötürə bilərlər.
“Reuters” agentliyi analitiklər arasında sorğu keçirərək onların məsələyə münasibətini öyrənib. Onların qənaətinə görə, şirkəti iflas gözləyir. Qeyd edək ki, smartfonlar şirkətin yeganə məhsulu deyil. Belə ki, “ZTE” böyüklüyünə görə ikinci telekommunikasiya avadanlığı istehsalçısı hesab olunur.
Xatırladaq ki, ABŞ hökuməti “Huawei” və “ZTE” şirkətlərinə qarşı sanksiyaları başqa səbəbə görə tətbiq edib. Hökumət Çin istehsalçılarını İrana elektronika tədarükündə günahlandırır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar