_99.jpg)
Xəbər lenti
"Raquf Orucov Kuboku" ikinci beynəlxalq cüdo turniri başa çatdı - FOTOLAR
Bakı İdman Sarayında aprel döyüşlərində qəhrəmancasına həlak olmuş polkovnik-leytenant Raquf Orucovun xatirəsinə həsr olunmuş "Raquf Orucov Kuboku" ikinci beynəlxalq cüdo turnirinin rəsmi açılış mərasimi keçirilib.
Manevr.az xəbər verir ki, “Azman Holdinq”in tərkibinə daxil olan “Judo Club 2012” idman klubunun təşkilatçılığı, Gənclər və İdman Nazirliyinin, Azərbaycan Cüdo Federasiyasının dəstəyi ilə keçirilən turnirdə 21 yaşdək (U-21) oğlan və qızlardan ibarət klub komandaları iştirak ediblər. Açılış mərasimində dövlət və hökumət qurumlarının nümayəndələri, Milli Məclisin deputatları, veteran hərbçilər, şəhid ailələrinin üzvləri, tanınmış idmançılar, ictimai təşkilatların təmsilçiləri iştirak ediblər.
Tədbir Azərbaycanın dövlət himni səsləndirilməsi, şəhidlərin xatirəsinin bir dəqiqəlik sükutla yad edilməsi ilə başlayıb. Daha sonra ordumuzun zəfər salnaməsinə qəhrəmanlıq səhifəsi kimi yazılmış 2016-cı ilin aprel döyüşləri haqqında qısa videoçarx nümayiş olunub.
Milli Məclisin deputatı Qənirə Paşayeva, Azərbaycan Cüdo Federasiyasının nümayəndəsi, Əməkdar Bədən Tərbiyəsi və İdman Xadimi Sahib İsmayılov aprel döyüşlərinin əhəmiyyətindən, hərbçilərimizin şücaətindən danışıb, Raquf Orucovun və digər şəhidlərin qəhrəmanlığının gənc nəsil üçün örnək olduğunu bildiriblər.
Şəhid polkovnik-leytenantın qardaşı Zabil Orucov “Raquf Orucov Kuboku” turnirini təşkil etdiklərinə, ailəyə göstərdikləri diqqət və ehtirama görə təşəkkürünü bildirib.
Turnirin açılış mərasimində yeniyetmə cüdoçular nümunəvi çıxışlar ediblər. İncəsənət ustaları vətənpərvər ruhda musiqi parçaları səsləndiriblər. Aprel döyüşlərində həlak olmuş hərbçilərin portretləri həkk edilən köynəklər geymiş ASAN könülləri tamaşaçıların alqışları altında meydançaya çıxıblar.
Xatırladaq ki, ikinci “Raquf Orucov Kuboku” turnirində Bakı şəhərini və bölgələimizi təmsil edən 16 klubla yanaşı Rusiya və Gürcüstanın klub komandaları da iştirak ediblər. Yarışlara dünən saat 10.00-da start verilib. Gərgin və maraqlı mübarizə şəraitində keçirilən turnirin final mərhələsi axşam saat 18.00-da başlayıb. Turnirin final görüşündə "Judo Club 2012” və “Qəbələ” klubları qarşılaşıblar. “Qəbələ” klubunun cüdoçuları 5:1 hesabı ilə rəqibinə qalib gələrək “Raquf Orucov Kuboku”nu qaqzanıb. Bürünc medallara isə “Atilla-1” və Gürcüstan komandaları layiq görülüblər.
Turnir yarışın qaliblərinin mükafatlandırılması ilə başa çatıb. Qaliblərə mükafatlar və qiymətli hədiyyələr təqdim olunub.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar