Sizin Reklam Burada
Xəbər lenti
28-03-2024
27-03-2024
BÜTÜN XƏBƏRLƏR

Prezidentliyə namizədlərin ödənişsiz efir vaxtı çıxışında ardıcıllıq bəlli olub

Tarix: 20-03-2018 09:38     Baxış: 4252 A- / A+
Prezidentliyə namizədlərin ödənişsiz efir vaxtı çıxışında ardıcıllıq bəlli olub


Prezidentliyə namizədlərin İctimai TV-də ödənişsiz efir vaxtında çıxış etmə ardıcıllığı məlum olub.

Mərkəzi Seçki Komissiyası bu gün namizədlər arasında ödənişsiz efir vaxtının bölgüsü məqsədilə püşkatma keçirib.

Püşkatmanın nəticəsinə görə, 1-ci Zahid Oruc, 2-ci Araz Əlizadə, 3-cü Qüdrət Həsənquliyev, 4-cü İlham Əliyev, 5-ci Razi Nurullayev, 6-cı Sərdar Məmmədov (Cəlaloğlu), 7-ci Fərəc Quliyev, 8-ci Hafiz Hacıyev İctimai Televiziya və Radio Yayımları Şirkətində çıxış edəcəklər.

Çıxışların hər biri 7 dəqiqə 30 saniyə olacaq.

İctimai televiziyadakı debatlar saat 22:00-da, radioda isə saat 19:00-da olacaq.

Azərbaycanda prezidentliyə namizədlərin seçki təbliğat-təşviqatı da elə bu gündən başlayır.

Prezident seçkisinin hazırlanıb keçirilməsi üzrə əsas hərəkət və tədbirlərin Təqvim Planına əsasən, qeydə alınan namizədlər səsvermə gününə 23 gün qalmış, yəni martın 19-da təşviqata başlaya bilərlər.

Namizədlərin təbliğat-təşviqat kampaniyası səsvermənin başlanmasına 24 saat qalmış dayandırılır.

Azərbaycanda növbədənkənar prezident seçkisi aprelin 11-ə təyin edilib.

Mərkəzi Seçki Komissiyasının açıqlamasına görə, prezidentliyə 8 nəfərin namizədliyi qeydə alınıb.

Ölkə prezidenti İlham Əliyev yenidən prezidentliyə namizəddir.

Ondan başqa Milli Məclisin üzvü Zahid Oruc, Azərbaycan Demokrat Partiyasının sədri Sərdar Məmmədov (Cəlaloğlu), Milli Dirçəliş Hərəkatı Partiyasının sədri Fərəc Quliyev, Müasir Müsavat Partiyasının rəhbəri Hafiz Hacıyev və "Cəbhəçilərin təşəbbüs qrupu"dan Razi Nurullayevin namizədliyi qeydə alınıb.

O cümlədən, Sosial Demokrat Partiyasının sədri Araz Əlizadə və Bütöv Azərbaycan Xalq Cəbhəsi Partiyasının rəhbəri Qüdrət Həsənquliyev də namizəd kimi prezident seçkisinə qatılıb.

15-ə yaxın şəxs prezidentliyə namizədliyini irəli sürmüşdü.

Mərkəzi Seçki Komissiyası təbliğat-təşviqat kampaniyası üçün Naxçıvan da daxil olmaqla, açıq və qapalı yerlərin siyahısını açıqlayıb.

Mərkəzi Seçki Komissiyası martın 19-da namizədlər üçün ödənişsiz əsaslarla ayrlmış efir vaxtının bölgüsü məqsədilə püşkatma keçirəcək.

Ödənişsiz efir İctimai Televiziyada olacaq. "Xalq qəzeti", "Azərbaycan" və "Bakinski raboçi" qəzetləri də namizədlərə ödənişsiz reklam xidməti göstərəcək.

İctimai Televiziyada ödənişli efirin 1 saniyəsinin qiyməti saatdan asılı olaraq, 7-25 manat arasında dəyişir.

Mərkəzi Seçki Komissiyası rəsmiləri bəyan ediblər ki, ölkədə tam demokratik, ədalətli seçki keçirmək üçün münbit zəmin var və "siyasi partiyalar hər zaman seçkiyə hazır vəziyyətdə olmalıdırlar".

Prezident seçkisini ATƏT-in Demokratik Təsisatlar və İnsan Haqları Bürosunun (DTİHB) seçki müşahidə missiyasının 300 uzun və qısa müddətli müşahidəçisi izləyəcək.

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar