Xəbər lenti
Sumqayıtda “Tələbələrin Xəmsə Kuboku”nun qalibi müəyyən oldu -FOTOLAR
Sumqayıt şəhər Gənclər və İdman Baş İdarəsi tərəfindən “Azərbaycan gəncliyi 2017-2021-ci illərdə” Dövlət Proqramına əsasən Heydər Əliyev Mərkəzində “Sumqayıt Tələbələrinin Xəmsə Kuboku” adlı bilik yarışması təşkil edilmişdir.
Tədbir dövlət himnin səsləndirilməsi ilə başlanılmışdır.
Manevr.az-ın verdiyi xəbərə görə, tədbiri giriş sözü ilə açan şəhər Gənclər və İdman Baş idarəsinin rəis əvəzi Mübariz Bəşirov iştirakçıları salamlayaraq, əsası Ümummili Lider Heydər Əliyev tərəfindən qoyulmuş dövlət gənclər siyasətindən, Gənclər və İdman Nazirliyi və şəhər rəhbərliyinin gənc nəslə göstərdiyi diqqət və qayğıdan, Respublikada dövlət gənclər siyasətinin uğurlu inkişafından danışmışdır. Qeyd olundu ki, məqsəd “Azərbaycan gəncliyi 2017 – 2021-ci illərdə” Dövlət Proqramından irəli gələn vəzifələri icra etmək, gənclərin intellektual səviyyəsini, dünyagörüşünü genişləndirmək, zehni inkişafını stimullaşdırmaq, onlar arasında elmin nüfuzunu artırmaq, asudə vaxtlarını səmərəli təşkil etməkdir. Bildirildi ki, şəhərimizdə də gənclərimizin hərtərəfli inkişafı üçün əlverişli şərait yaradılmış, müasir tələblərə cavab verən obyektlər istifadəyə verilmişdir.
Baş İdarənin nəzdində fəaliyyət göstərən Sumqayıt İntellektual Klubunun hakimlərinin idarəçiliyi ilə keçirilən yarışmada müxtəlif sahələri təmsil edən tələbə-gənclərdən ibarət 12 komanda iştirak etmişdir. Ümumilikdə hər komandada 6 nəfər olmaqla 72 tələbə-gənc qalib adı uğrunda mübarizə aparmışdır.
Gərgin keçən bilik çempionatının yekununda I yerə Sumqayıt Dövlət Universitetinin “Səfəvi” komandası layiq görülmüşdür. II yeri Sumqayıt “Asan Xidmət” Mərkəzinin “Mübariz”, III yeri isə Qızıl Aypara cəmiyyətinin Sumqayıt şəhər Bölməsinin eyni adlı komandası tutmuşdur.
Qalib komandalar Baş İdarənin kubok, Fəxri Fərman, medal, xatirə hədiyyələri ilə təltif edilmiş və nahar fasilə təşkil olunmuşdur.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar