Xəbər lenti
Dalğalan, enmə bir də Azərbaycan bayrağı- Nəsib NƏBİOĞLU (şeir)
Manevr.az 9 Noyabr Dövlət Bayrağı Günü münasibəti ilə Moskvada yaşayan tanınmış şair Nəsib Nəbioğlunun “Azərbaycan bayrağı” şeirini təqdim edir:
Azərbaycan bayrağı
Mən yolunu gözlədim,min illər soraqladım,
Arzum qaldı gözümdə, için-için ağladım,
Azadlığın eşqini ürəyimdə saxladım,
Dalğalan, enmə bir də Azərbaycan bayrağı!
Torpaqdan pay vermişik hər ötənə,yetənə,
Haqq da qazandırmışıq,tikan kimi bitənə,
Əzəmət gətirmisən məmləkətə,vətənə,
Dalğalan, enmə bir də Azərbaycan bayrağı!
Elim pərən-pərəndir, o üzdə bir param var,
Torpağıma göz dikən neçə-neçə haram var,
Qarabağ boyda mənim ürəyimdə yaram var,
Dalğalan, enmə bir də Azərbaycan bayrağı!
Analar dillənməsin bir də göz yaşı üstə.
Tarixim yazılmasın sinə, başdaşı üstə,
Özüm görüm gözümlə Xankəndin başı üstə,
Dalğalan, enmə bir də Azərbaycan bayrağı!
Köksüm altda atəş var, odum,közüm sönmə sən,
Sazım,tarım qəm üstə nalə deyib dinmə sən,
Bir dəfə ucalıbsan,heç bir zaman enmə sən,
Dalğalan, enmə bir də Azərbaycan bayrağı!
İcveç, Malmö şəhəri, 2002-ci il.
Xəbəri paylaş
Çox oxunanlar
Son yüklənənlər
Axtarış
Reklam
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar