_99.jpg)
Xəbər lenti
"Cavid Poeziya Günü " keçirilib -SUMQAYITDA
Manevr.az xəbər verir ki, Sumqayıt "Poeziya Evi"ndə Azərbaycan ədəbiyyatına romantizm dalğasını bəxş edən, əbədiyaşar şair, dramaturq Hüseyn Cavidin anadan olmasının 135 illiyi ilə əlaqədar "Cavid Poeziya Günü" adlı tədbir keçirilib.
Ə. Kərim adına Sumqayıt şəhər Poeziya klubunun və "Hüseyn Cavid" Ədəbi Məclisinin birgə təşkilatçılığı ilə baş tutan tədbiri giriş sözü ilə "Poeziya Evi"nin rəhbəri, şair İbrahim İlyaslı açdı. Qonaqları salamladıqdan sonra natiq tədbirin mahiyyəti, eyni zamanda H.Cavidin həyat və yaradıcılığı haqqında geniş məruzə etdi. Sonra sözü "Hüseyn Cavid" Ədəbi Məclisinin sədri, şair Kəmaləddin Qədimə verdi. O da öz növbəsində Cavid haqqında fikirlərini söylədi. "H.Cavid" Ədəbi Məclisinin yaranmasından və fəaliyyətindən söz açan K.Qədim, şairin növbəti ildönümü ilə bağlı silsilə tədbirlər keçiriləcəyini qeyd etdi. Məclis rəhbəri ilk tədbirin Sumqayıtda baş tutduğunu vurğuladı.
İctimai-siyasi xadim Həmid Cəfərov Cavidin həyatının sürgünlük dövründən, dünyasını dəyişməsi səbəbindən və tarixindən, 35 il öncə şairin nəşinin Uzaq Sibirdən Azərbaycana necə gətirilməsindən geniş danışdı.
Şairlərdən Əşrəf Veysəlli, Adilə Nəzər, Mir Kazım Ağa, Zirəddin Qafarlı, Fərqanə Mehdiyeva, Arzu Nehrəmli, Namiq Dəlidağlı, Nisə Qədirova, Xatirə Fərəcli, Firudin Şahbuz, Ələsgər Talıboğlu, Xan Rəsuloğlu, Sevda Kərimli, Sevinc Qərib, Ənvər Məsud, Elvin Əlizadə öz şeirləri ilə H.Cavidin ruhunu andılar, ölməz şairə ehtiramlarını bildirdilər. Sonra tədbirdə iştirak edən yazıçı Almaz Bəyazid, Hacı Cəfər Quliyev və digər qonaqlar Cavid dühasının böyüklüyündən, onun tək bizə deyil, bütün dünyaya aid olduğunu qeyd etdilər. Sonda "H.Cavid" Ədəbi Məclisinin sədri Kəmaləddin Qədim gələn qonaqlara və Sumqayıt "Poeziya Evi"nin rəhbərliyinə təşəkkürünü bildirərək vurğuladı ki, "Cavid Poeziya Günü" 25 oktyabr saat 14.00-da AYB-nin Natavan klubunda davam edəcək. Sonra Cavidin "səyyar muzeyi"nə baxış keçirildi, xatirə şəkilləri çəkildi.
Sevinc QƏRİB
Manevr.az
(Fotolar Şakir Rəhmanındı)
\
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar