Xəbər lenti
Lilpar Cəmşidqızı "Zəfəri yaşadanlar" kitabını təqdim etdi - ŞƏKİLLƏR
AYB Sumqayıt bölməsi və N.Nərimanov adına şəhər Mədəniyyət Evinin birgə təşkilatçılığı ilə şair-qəzəlxan Lilpar Cəmşidqızının şəhidlərə həsr etdiyi "Zəfəri yaşadanlar" adlı kitabının təqdimat mərasimi keçirildi. Manevr.az xəbər verir ki, tədbirdə şəhid anaları, şəhər ictimaiyyətinin nümayəndələri və ziyalılar iştirak edirdi. Tədbirin moderatoru AYB - nin poeziya seksiyasının rəhbəri, Poeziya Evinin direktoru İbrahim İlyaslı hər kəsi salamladıqdan sonra kitab haqqında geniş məlumat verdi. Şumqayıt şəhər İcra Hakimiyyətinin Humanitar məsələlər üzrə şöbəsinin müdiri Fərman Kazımov, "Şəhid analarına dəstək" ictimai birliyinin rəhbəri Ceyran Axundova, Ağsaqqallar şurasının sədri Təbrik Quliyev, filologiya elmləri doktoru, professor Rafiq Yusifoğlu, AYB Sumqayıt bölməsinin sədri Gülnarə Cəmaləddin, şair-qəzəlxan Əhməd Haqsevər, şair Fəxrəddin Meydanlı, şəhid anaları çıxış edərək şəhidlərimizə həsr olunmuş kitabların yazılmasının günümüz üçün əhəmiyyətindən danışaraq, bu ağır missiyanı öz üzərinə götürüb belə kitabı araya-ərsəyə gətirdiyi üçün Lilpar xanıma təşəkkür etdilər. Bədii qiraətçi Arzu Heydərovanın ifasında səslənən Lilpar Cəmşidqızının şeirləri məclisə başqa bir ovqat bəxş etdi. Tədbirdə Əhməd Bakıxanov adına musiqi məktəbinin müəllimi, xanəndə Firudin Ağayev Lilpar xanımın qəzəllərindən ibarət muğamları ifa etdi. Sonda Lilpar xanım kitabı imzalayaraq şəhid ailələrinə təqdim etdi və xatirə şəkilləri çəkdirdi.
Gülnarə Cəmaləddin
AYB Sumqayıt bölməsinin sədri
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar