Xəbər lenti
Bakı metrosundan uşaqlara jest - FOTO
"Bakı Metropoliteni" QSC 1 iyun - Uşaqların Beynəlxalq Müdafiəsi Günü ilə əlaqədar sosial aksiya keçirir.
"Bakı Metropoliteni" QSC-dən verilən məlumata görə, iyunun 1-dən metronun bütün stansiyalarının bir neçə monitorunda uşaqların rəsmləri yerləşdirilib. Bununla, "Bakı Metropoliteni" QSC 1 iyun - Uşaqların Beynəlxalq Müdafiəsi Gününə həsr olunmuş daha bir sosial layihəni gerçəkləşdirib. Bu layihə metropolitenin uşaqlara ayırdığı diqqətin və qayğının göstəricisidir. Layihənin maraqlı cəhəti ondan ibarətdir ki, istedadlı balalar, məhz metropoliten əməkdaşlarının övladları, nəvələridir. "Gəzinti" Azərin Qədirli, "Mənim dünyam ailəmdir", "Gəlin, dünyamızı qoruyaq" Dəniz Paşayeva, "Lalələr" Hikmət İsmayılov, "Bizim sevimli metromuz", "Uşaqların rəngli dünyası" Fidan Rüstəmli, "Hər daşı bir aləm şəhər" Ləman Mustafayeva və "Görüş" Sevinc Bağırovanın çəkdikləri rəsmlərdə bir-birindən fərqli mövzular əks olunub. Saf duyğularla həyatın müxtəlif məqamlarının ifadə olunduğu rəngarəng rəsmlərə baxdıqca, sanki uşaqların rəngli dünyasına daxil olursan.
Qeyd edək kİ, 1 İyun - Uşaqların Beynəlxalq Müdafiəsi Günü münasibəti ilə "Bakı Metropoliteni" QSC bununla sayca üçüncü layihəni həyata keçirir. İlk layihə "Nəriman Nərimanov" stansiyasının yeni təmir olunmuş keçidlərində uşaqların rəsm qalereyasına həsr olunmuşdu. Həmin sərgidə əsas məqsəd, cəmiyyətdə uşaqlar arasında rast gəlinən talassemiya və bu kimi qan xəstəliklərinə qarşı mübarizəyə diqqəti artırmaq, könüllü və mütəmadi donorluğu təbliğ etmək, eyni zamanda könüllü qan donorlarına olan ehtiyacı və zərurəti nümayiş etdirmək idi.
Ötən il isə metronun stansiyalarında "Uşaqlar bizim gələcəyimizdir!" devizi altında layihə həyata keçirilmiş və sərnişinlər tərəfindən maraqla qarşılanmışdı.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Emil Rasimoğlu
İlqar İlkin
Emil Rasimoğlu
İlqar İlkin
Emil Rasimoğlu
Sorğu
Portalımızı dəyərləndirin.
Çox oxunanlar