Xəbər lenti
"Tanrı sonsuzluğundan sevgi bətni viranədir..." -ŞEİRLƏR
Manevr.az gənc şair Cavid Fərzəlinin şeirlərini təqdim edir. Qeyd edək ki, müəllifin şeirlərini redaksiyamıza Emil Rasimoğlu ünvanlayıb:
***
Ayrılığım, saatın neçədi...
Əqrəblərin sevgi üstündə
duran vaxtıdımı...
...səni vaxtsız gözləyimmi
Saatı çarəsizlər kimi.
...gözünün ucundan itimmi
Çantanda axtardığın bəhanələr kimi.
Baxışların saniyələrdi,
Bir dəqiqəmə gözlərin tamammı...
Dilindən, saatın
şirin vaxtın eşidəcəmmi...
Əqrəblər zamanın ayaqlarıdı...
...bir anın gəlişin gözləyimmi.
Qolundakı saat zamanın qandalıdı,
Bu ömrü dustaq yaşayımmı...
***
Qoltuğlu ağaclar
yetim küləklərin, yuvasıdı...
Körpə budaqların böyüməsi küləklərin sevincidi.
Yarpaqların titrək lallığı
Susan ağacların
kövrək səsidi...
Dimdiyi atlı bülbüllərsə
arzuların nəğməsidi.
Bu ağac əzəldən
boşluğa söykənəndi,
...Əllərim göylərə söykəndiyi kimi.
***
Ölsəm
sevgimizi yetim böyüdərsən...
Yolmarsan saçlarını,
əllərimin körpə izin böyüdərsən.
Ağlasan,
gözlərində gün üşüyər...
Ayrılığın əlləriylə örtsən gözlərimi,
Ölüm üşüyər.
Tanrı sonsuzluğundan
sevgi bətni viranədir...
Bağışla yaşaya bilmədim sevgini,
Birdə ölmərəm.
***
Danışa bilmədimsə
bu eşqin dilindən,
Sevginin əlindən tutub
Gərək gedəydim həyatından...
Bu üzdən yaşadıq
ömrü yaraqlı.
Sövdələşib bir ev qurduq
qapısı dodaqlı...
Bir Tanrı oğulunun da
sevgisini yaşaya bilmədim...
Bağışla, qoruya bilmədim
özümdən səni.
Cavid FƏRZƏLİ
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar