.png)
Manevr.az sfera.az-a istinadən III Muratla bağlı maraqlı məlumatları təqdim edir.
Osmanlı sultanı 1546-cı il iyulun 4-də Manisada doğulub, 1595-ci il yanvarın 16-da vəfat edib. Həmin dövrdə hərəm həyatı tamamilə gizli və özəl bir sahə olduğu üçün tarixi qeydlərdə dəqiq bilgilər əldə etmək mümkün deyil. Ancaq ən çox uşaq sahibi olan Osmanlı Sultanı III Muratın 6 arvadı və 40-a yaxın cariyəsi olduğu barədə məlumatlar var.
Onun həyat yoldaşları arasında diqqətçəkən adlardan biri Safiye Sultandır. Əsl adı Sofia Baffo olan Safiye Sultan əslən venesiyalıdır. O, səyahət zamanı türk quldurları tərəfindən əsir götürülüb, daha sonra saraya cariyə kimi satılıb. Tarixi mənbələrə görə, III Muratın digər həyat yoldaşları arasında Şemşiruhsar Hatun, Mihriban Hatun, Şahihuban Hatun, Nazpərver Xatun və Fahriye Hatun da var.
Cinsi əlaqəyə girərək öldü…
III Muratın evliliyindən 100-dən çox övladı olsa da, onların əksəriyyəti körpəlikdə dünyasını dəyişib. 30 qız və 19 oğlan olmaqla ümumilikdə 49 övladı sağ qalıb. Bu vəziyyət isə ondan sonra taxt mübarizəsini alovlandırıb. Sultanın 25 oğlu olduğu deyilir - onlardan 22-nin adı məlumdur. Osmanlı sultanı öləndə onun 7 cariyəsi hamilə olub.
III Muratın cinsi əlaqəyə girərək öldüyü haqda şayiələr də var. İddia olunur ki, 49 yaşında dünyasını dəyişən III Murat ordunun başında duraraq səfərə çıxmır, cariyələrlə vaxt keçirməyi xoşlayırmış. Onun bu qədər uşaq sahibi olmasının səbəbi isə anası Nurbanu Sultan ilə həyat yoldaşı Safiyə Sultan arasındakı münaqişə olub. Nurbanu Sultan bütün hakimiyyəti əlində saxlamaq və oğlunu Safiyə Sultanın gözündən salmaq istəyib. Bu səbəbdən dünyanın müxtəlif yerlərindən gənc və gözəl qadınları hərəmxanaya gətizdirib.
Hətta məlumatlara görə, III Muratın 500-ə yaxın cariyəsi var idi. Sultanın bu qədər cariyə ilə cinsi əlaqədə olmasına, bu qədər uşaq sahibi olmasına baxmayaraq, Safiyə Sultanın sevgisi eyni qalıb. Ona görə də o, getdikcə daha da güclənib və dövlətin başına bəla olub.
Bir gecədə 19 qardaşını qətlə yetirdi...
III Muratın böyük oğlu III Mehmet Osmanlı tarixinin ən qanlı hadisələrindən birinə imza atıb. O, taxta çıxmaq üçün bir gecədə və eyni vaxtda 19 qardaşını boğaraq öldürüb, atasından hamilə qalan bir çox cariyələri dənizə atıb. Şayiələrə görə, xalq bu hadisədən sonra ona qarşı kin bəsləyib. İş o yerə çatıb ki, sultan Mehmet V. Reşad qılınc tutma mərasimində “Mən uşaq qatilinin məzarını ziyarət etmək istəmirəm”, deyib və babasının məzarına getməkdən imtina edib.
Qeyd edək ki, III Muradın məzarı Ayasofya məscidində yerləşir.
