N saylı hərbi hissədə Zəfər bayramı münasibəti ilə tədbir keçirilib

Manevr.az xəbər verir ki, tədbirdə Milli Məclisin deputatı Jalə Əhmədova, “Zəfər Yolu” İB-nin sədri Pərvanə Abdullayeva, Vətən Müharibəsi şəhidi Elmar Nəbiyevin anası, təqaüddə olan ədliyyə mayoru Çiçək Biləndərli, Penitensiar Xidmətin Mühafizə Alayının "N" saylı hərbi hissəsinin komandiri Kamran Quliyev, qazilər, Birinci Qarabağ müharibəsi iştirakçıları, “Zəfər Yolu” İB-nin üzvləri, incəsənət və media nümayəndələri iştirakı edib. Millət vəkili Jalə Əhmədova çıxış edərək Zəfər bayramı münasibəti ilə təbriklərini və ən xoş arzularımı ifadə edib:

"Qürur və fəxarət hissi yaşadığımız bu günləri bizlərə bəxş edən dövlətimizin başçısına, şəhidlərimizə, qazilərimizə, torpaq uğrunda vuruşaraq sağlamlığını itirmiş hər bir əsgər və zabitimizə bir ömür boyu borclu olduğumuzu bildirdim. Qeyd etdim ki, Müzəffər Ali Baş Komandanımızın rəhbərliyi altında düşməni diz çökdürən Rəşadətli Azərbaycan Ordusunun əsgər və zabitləri öz igidliyi, cəsurluğu və qorxmazlığı ilə tarix yazdılar, ərazi bütövlüyümüzü bərpa, pozulmuş tarixi ədaləti bərqərar etdilər. Cəmi 44 gün ərzində düşmən üzərində Zəfər çalan, gücü və qüdrəti ilə bütün dünyaya səs salan Azərbaycan Ordusunun igidləri  2020-ci ilin qəhrəmanlıq simvoluna çevrildilər. Doğma Vətənimizə, Azərbaycanımıza Zəfər yaşadan və gələcək nəsillər üçün örnək, nümunə yeri olan qəhrəmanlarımızın əziz xatirəsi daim qəlbimizdə yaşayacaqdır", deyə Jalə Əhmədova qeyd edib.