_99.jpg)
Xəbər lenti
Yazıçılar Birliyi qurultayda "on nəfərdən özümüzünkünü seçək" "prinsipini" əsas götürdü
Azərbaycan Yazıçılar Birliyi qarşıdan gələn Qurultaya nümayəndə seçilənlərin siyahısını "Ədəbiyyat qəzeti"ndə dərc etdirməklə məni əməlli-başlı təəccübləndirdi.Məxfiliyi bəzi güc nazirliklərimizdən daha çox gözləyən, alınan mükafatların siyahısından tutmuş, ayrılan pulların xərclənməsini, bölmə sədrlərinin təyinatını gizli saxlayan qosqoca qurum, bu dəfə nədənsə mətbuata açıqlama verdi.
Sözügedən siyahıda çox dəyərli dostlarımızın adına rast gəldim və kənarda qalanlar da çoxdu. Halbuki, 330 nəfərlik siyahıda onlardan bəzilərinin adları ola bilərdi. Əgər şəffaf, ədalətli, insaflı yanaşma olsaydı. Bu da qosqoca AYB-də əsla, mümkün deyil.
Bir-iki ay bundan öncə AYB-nin qurultayqabağı təşkil olunan tədbirinə dəvət edilmişdim. Məni dəvət edən bəy adəti üzrə, bir saatdan çox geciksə də, yeri elə də görünmədi. Necə deyərlər, tədbir öz işinə başladı. Ancaq maraqlı tərəfi o idi ki, konkret olaraq nədən danışılacaq, nəyə görə bura yığışdığımızı nə biz, nə də səbəbkarların özləri belə bimirdilər. Nəhayət, iştirakçılara "danışın", "fikirinizi deyin", "sıxma-boğması"ndan sonra hərə bir-iki kəlmə söylədi, o cümlədən mən. Yaxşı ki, cənab vaxt mövzusu bəlli olmayan tədbirin ömrünü kəsmək üçün özünü tez çatdırdı. Bu qədər süni, qurama, gözdən pərdə asmaq üçün təşkil olunan tədbirlər cəmiyyətin ən həssas, həm də dəyərli kəsiminə qarşı böyük hörmətsizlikdi.
Bəylər və xanımlar, AYB-nin ağaları, yaxşı bilirik ki, bütün siyahılar, adlar öz "məntiqinizə" və "prinsipinizə" uyğun aylar öncə tərəfinizdən hazırlanıb. Bizi aldatmağa çalışmağınız uğursuz addımdı. "On nəfərdən 1-ni seçək" prinsipi ilə guya yerlərdə "seçki" keçirdiniz. Burda da təbii ki, "on nəfərdən özümüzünkünü seçək" "prinsipini" əsas götürdünüz.
XIII Qurultay uğursuz rəqəm altında keçirilir. Ancaq hər kəsə uğurlar diləyirəm. AYB-nin ömürlük və alternativsiz sədri Anara uzun ömür diləyirəm. Çünki, adımızın sonuna AYB üzvü yazdırmağımız Anarın adı ilə bağlıdı. Konkret, Anar(ın) Yazıçılar Birliyinin üzvüyük. Eləcə də, şəhərin ən pristijli yerində yerləşən, çoxlarının gözü olan əzəmətli və möhtəşəm binanın üzərinə vurulan lövhə də Anarın varlığının ömrü qədərdi.
Namiq Dəlidağlı, AYB üzvü
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar