Xəbər lenti
“AccessBank”da yeni sədr təyin olundu
“AccessBank”ın İdarə Heyətinin sədri Mixael Hoffmannın beş illik səlahiyyət müddətinin bitməsi ilə əlaqədar olaraq, bankın səhmdarlarının ümumi yığıncağının qərarı ilə bu vəzifəyə Rolf Rayhardt təyin olunub.
Bankdan Gununsesi.info-ya verilən məlumata görə, doktor R.Rayhardt 2014-cü ildən “AccessBank”da maliyyə üzrə icraçı direktor vəzifəsində çalışıb.
R.Rayhardt təyinatını belə şərh edib: “AccessBank”ın güclü komandası ilə çalışacağımdan və əvvəlki sədrin uğurlu fəaliyyətini davam etdirməkdən çox məmnunam. Azərbaycanın aparıcı banklarından biri olaraq, biz hər zaman olduğu kimi, müştərilərimizə müasir və etibarlı maliyyə xidmətləri təqdim edəcəyik”.
“AccessBank”da iş fəaliyyətindən öncə R.Rayhardt 20 ildən artıq Almaniyanın bir sıra iri banklarında risklərin idarə edilməsi üzrə müxtəlif vəzifələrdə çalışıb. O, Höte Universitetində fəlsəfə doktoru dərəcəsini alıb və Yeni Zelandiyanın Oklend, Almaniyanın Kil və ABŞ-ın Yuta universitetlərində iqtisadi təhsil alıb.
Qeyd edək ki, “AccessBank” 2002-ci ildə Qara Dəniz Ticarət və İnkişaf Bankı, Avropa Yenidənqurma və İnkişaf Bankı, Beynəlxalq Maliyyə Korporasiyası, “KfW”, Almaniyanın “LFS Financial Systems GmbH” konsaltinq şirkəti və “AccessHoldinq” tərəfindən yaradılıb. Azərbaycanın aparıcı banklarından biri olan “AccessBank” tam çeşidli bank xidmətləri təqdim edir.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Emil Rasimoğlu
İlqar İlkin
Emil Rasimoğlu
İlqar İlkin
Emil Rasimoğlu
Sorğu
Portalımızı dəyərləndirin.
Çox oxunanlar