“Ermənistan ağıllanmalıdır” – Britaniyalı politoloq

“Ermənistan-Azərbaycan münaqişəsinin kəskinləşməsi həlak olanlar, onların doğmaları və yaxınları üçün dəhşətli faciədir. Lakin bu eskalasiyaya səbəb İrəvan rəhbərliyinin sülh prosesinə qarşı pozucu münasibətidir”.
Manevr.az bildirir ki, bunu azvision.az -a britaniyalı tarixçi və politoloq Patrik Uolş deyib. Onun fikrincə, ermənilər sülhpərvər tərəfdaş kimi çıxış etməli və revanşist illüziyalar qurmağa son qoymalıdırlar.
“Nə qədər ki müharibənin bitməsi və funksional tədbirlərin zəruriliyi dərk olunmayıb, daha çox ailə sülh və firavanlıq dividendlərindən faydalanma haqqı olan oğul və qızlarını itirəcək.
Bu problemin yeganə həlli Bakı ilə İrəvan arasında sülh müqaviləsi imzalanmasıdır. Azərbaycan regionda sülh və sabitliyin olmasını istəyir və dəfələrlə İrəvanı sülh sazişi imzalamağa dəvət etsə də, Ermənistan tərəfi rəsmi Bakının çağırışlarına məhəl qoymur. Ermənistan ağlıllanmalı və Azərbaycanla sülh müqaviləsi imzalamalıdır”, - P.Uolş bildirib.